ڈاکٹر اسما مشتاق کی میت سکردو منتقل کرنے پر وزیر اعلی گلگت کا افواج پاکستان، ریسکیو ٹیموں اور انتظامیہ سے اظہار تشکر

مستقبل میں کوہ پیمائوں کیساتھ کسی بھی ناخوشگوار حادثے کی صورت میں بروقت ،موثر ریسکیو و ریلیف آپریشن یقینی بنانے کیلئے ایس او پیز کا ازسرنوجائزہ لیا جارہاہے، امجد حسین ایڈووکیٹ

منگل 8 ستمبر 2026 20:10

گلگت (اُردو پوائنٹ اخبارتازہ ترین - این این آئی۔ 08 ستمبر2026ء) وزیر اعلی گلگت بلتستان امجد حسین ایڈووکیٹ نے اسپینٹک پیک بیس کیمپ سے متوفیہ کوہ پیما ڈاکٹر اسما مشتاق کی میت کامیابی سے سکردو منتقل کرنے پر افواج پاکستان، شگر کے مقامی رضاکاروں، ریسکیو ٹیموں اور ضلعی انتظامیہ کا خصوصی شکریہ ادا کیا ہے۔

(جاری ہے)

وزیر اعلی نے کہا کہ اس انتہائی دشوار گزار ریسکیو آپریشن میں حصہ لینے والے تمام ادارے اور افراد قابل تحسین ہیں۔

مستقبل میں کوہ پیمائوں کے ساتھ کسی بھی ناخوشگوار حادثے کی صورت میں بروقت اور موثر ریسکیو و ریلیف آپریشن کو یقینی بنانے کے لیے موجودہ ایس او پیز کا ازسرنو جائزہ لیا جا رہا ہے۔وزیر اعلی نے مرحومہ کوہ پیما ڈاکٹر اسما مشتاق کے لواحقین سے دلی تعزیت اور ہمدردی کا اظہار کرتے ہوئے دعا کی کہ اللہ تعالی انہیں یہ صدمہ برداشت کرنے کا حوصلہ عطا فرمائے۔