سہیل آفریدی کیخلاف کیس میں 42 گواہان کے بیانات ریکارڈ کئے گئے

بدھ 9 ستمبر 2026 21:25

․ اسلام آباد (اُردو پوائنٹ اخبارتازہ ترین - این این آئی۔ 09 ستمبر2026ء) انسداد دہشت گردی عدالت اسلام آباد نے وزیراعلی خیبر پختونخوا سہیل آفریدی و دیگر کے خلاف کیس میں 42 گواہان کے بیانات ریکارڈ کرلیے۔اے ٹی سی اسلام آباد میں سہیل آفریدی، مینا خان آفریدی و دیگر کے خلاف 26 نومبر احتجاج کیس کی سماعت جج طاہر عباس سپرا نے کی۔

(جاری ہے)

دوران سماعت پراسیکیوشن کے مزید 4 گواہان کے بیانات ریکارڈ کرلیے گئے، جس کے بعد مقدمے میں مجموعی طور پر 42 گواہان کے بیانات ریکارڈ ہوچکے ہیں۔

سہیل آفریدی سمیت 15 ہزار سے زائد نامعلوم ملزمان ایف آئی آر میں نامزد ہیں جبکہ اے ٹی سی اسلام آباد میں 8 ملزمان کی حد تک ٹرائل جاری ہے۔عدالت نے کیس کی سماعت 10 ستمبر تک ملتوی کردی، اس کیس کا مقدمہ تھانہ سیکریٹریٹ میں درج ہے۔