ٹھٹھہ کے ہسپتال میں دو گروپوں میں تصادم، ڈنڈوں اور گھونسوں کا استعمال

مخالف گروپ کے افراد نے اسپتال میں زیرِ علاج زخمی افراد پر حملہ کردیا، وارڈ میں موجود مریضوں اور دیگر افراد میں خوف و ہراس پھیل گیا، صحافی علی تنولی نے واقعہ کی ویڈیو شیئر کردی

جمعرات 10 ستمبر 2026 12:27

ٹھٹھہ کے ہسپتال میں دو گروپوں میں تصادم، ڈنڈوں اور گھونسوں کا استعمال

ٹھٹھہ(اُردو پوائنٹ اخبارتازہ ترین۔ 10 ستمبر 2026ء) صوبہ سندھ میں محکمہ صحت ہمیشہ سے ہی انتظامیہ کے لیے سوالیہ نشان رہا ہے اب سندھ کے شہر ٹھٹھہ کے ہسپتال کی ویڈیو سوشل میڈیا پر وائرل ہو رہی ہے۔ جس میں ہسپتال کے وارڈ کے اندر دو گروپوں میں تصادم کی واضح دیکھا جاسکتا ہے ۔ وائرل ویڈیو میں دیکھا جاسکتا ہے کہ اسپتال کے وارڈ کے اندر دونوں گروپوں کے افراد ایک دوسرے سے لڑ رہے ہیں۔

اس دوران ڈنڈوں کا بھی استعمال کیا گیا، جبکہ وارڈ میں موجود زیرِ علاج مریض بھی تصادم سے متاثر ہوئے۔

اندرون سندھ ٹھٹھہ ہسپتال میں 2 گروپوں میں تصادم🚨

ہسپتال میں موجودہ زخمی مریضوں پر ڈنڈوں سے تشدد، ہسپتال انتظامیہ غائب pic.twitter.com/WZKWNBOVeE
— Ali Tanoli (@alitanoli889) September 10, 2026

ویڈیو میں بعض افراد کو بیڈز پر لیٹے مریضوں کی جانب ڈنڈے برساتے ہوئے بھی دیکھا جاسکتا ہے، جس کے باعث وارڈ میں موجود مریضوں اور دیگر افراد میں خوف و ہراس پھیل گیا۔

(جاری ہے)

واقعے کی مکمل تفصیلات تاحال سامنے نہیں آسکیں اور یہ بھی واضح نہیں ہوسکا کہ دونوں گروپوں کے درمیان جھگڑا کس معاملے پر ہوا۔

تاہم ابتدائی طور پر واقعہ ذاتی دشمنی کا شاخسانہ معلوم ہوتا ہے۔ تصادم کے دوران اسپتال کا عملہ بھی نظر نہیں آتا۔ نہ کوئی ڈاکٹر، نرس، وارڈ بوائے یا سکیورٹی اہلکار صورتحال پر قابو پانے کی کوشش کرتا دکھائی دیتا ہے۔ اس واقعے نے اسپتالوں میں مریضوں کے تحفظ اور سکیورٹی کے انتظامات پر سوالات اٹھا دیے ہیں۔