Live Updates

حکومت سپلائی بند نہیں ہونے دے رہی ورنہ پیٹرول 1000 روپے لیٹر بھی نہیں ملے گا، محسن نقوی

دنیا میں پٹرول کی قیمت کہاں جا رہی ہے پتہ ہے؟ یا تو یہ پیسے لے کر ہم اپنی جیب میں ڈال رہے ہوتے تو آپ ضرور سوال کرتے، اس وقت ملکوں میں پٹرول نہیں مل رہا؛ صحافی کے سوال پر وفاقی وزیرداخلہ کا جواب

ساجد علی پیر 21 ستمبر 2026 12:08

حکومت سپلائی بند نہیں ہونے دے رہی ورنہ پیٹرول 1000 روپے لیٹر بھی نہیں ..

لاہور (اُردو پوائنٹ اخبارتازہ ترین۔ 21 ستمبر 2026ء) وفاقی وزیرِ داخلہ محسن نقوی نے خام تیل کی عالمی منڈی میں مسلسل بحران اور بڑھتی ہوئی قیمتوں پر کہا ہے کہ عالمی صورتحال کے پیشِ نظر وزیرِ پیٹرولیم علی پرویز ملک کا خدشہ بالکل درست ہے کہ ان حالات میں آئندہ 1000 روپے فی لیٹر میں بھی پیٹرول میسر نہیں ہوگا۔ لاہور میں ذرائع ابلاغ کے نمائندوں سے گفتگو کے دوران ملک میں پیٹرولیم مصنوعات کی قیمتوں پر صحافی کے سوال پر انہوں نے جواب دیا کہ دنیا میں پٹرول کی قیمت کہاں جا رہی ہے پتہ ہے؟ یا تو یہ پیسے لے کر ہم اپنی جیب میں ڈال رہے ہوتے تو آپ ضرور سوال کرتے، عالمی سطح پر پیٹرولیم مصنوعات اور سپلائی چین کی جو صورتحال بن چکی ہے اس کے بعد پیٹرول کی محض قیمتوں پر بحث کرنا بے معنی ہو چکا ہے، دنیا کے متعدد ممالک میں اس وقت پیٹرول سرے سے دستیاب ہی نہیں ہے اور ان تمام حالات کے باوجود پاکستان میں پیٹرول کی بلا تعطل فراہمی جاری رکھنا موجودہ حکومت اور خاص طور پر وفاقی وزیرِ پیٹرولیم علی پرویز ملک کا بہت بڑا کریڈٹ ہے۔

(جاری ہے)

ُپٹرول کی قیمتوں کا سوال نہیں بنتا۔ دنیا میں پٹرول کی قیمت کہاں جا رہی ہے پتہ ہے؟ یا تو یہ پیسے لے کر ہم اپنی جیب میں ڈال رہے ہوتے تو آپ ضرور سوال کرتے۔ اس وقت ملکوں میں پٹرول نہیں مل رہا یہ حکومت کو کریڈٹ جاتا ہے کہ وہ سپلائی بند نہیں ہونے دے رہے ورنہ 1000 روپے لیٹر بھی نہیں ملے… pic.twitter.com/w0x6bOujp3
— Ahsan Jadoon (@AhsanJadooncxz) September 21, 2026

محسن نقوی نے مزید بتایا کہ عالمی منڈی کے بحران کی وجہ سے وزیراعظم شہباز شریف شدید تشویش اور تکلیف میں ہیں اور پیٹرولیم قیمتوں کے عوامی بوجھ کو کم کرنے کے لیے مسلسل کوشاں ہیں، حکومت اور کابینہ کے اراکین مختلف متبادل راستے اور طریقہ کار تلاش کر رہے ہیں تاکہ عالمی منڈی کے اس بدترین اثر کو کسی حد تک کم کیا جا سکے اور عام آدمی کو پیٹرول کی قیمتوں میں ممکنہ حد تک ریلیف فراہم کیا جا سکے، تاہم موجودہ سنگین حالات میں پیٹرول کی مسلسل فراہمی کو یقینی بنانا ہی سب سے بڑا چیلنج ہے۔