حکومت اور پی ٹی آئی میں بیک ڈور رابطے آج بھی بحال ہیں، حذیفہ رحمان کا انکشاف

ہم نے اٹک پل پر 10 دن ویلڈنگ کی لیکن ان کے پاس ایسے خونخوار لوگ ہیں کہ انہوں نے ہاتھوں سے اٹھا کر ان لوہے کی ویلڈنگ شیٹوں کو نیچے دریا میں پھینک دیا؛ وزیراعظم کے معاون خصوصی کی گفتگو

ساجد علی پیر 28 ستمبر 2026 17:38

حکومت اور پی ٹی آئی میں بیک ڈور رابطے آج بھی بحال ہیں، حذیفہ رحمان کا ..

اسلام آباد (اُردو پوائنٹ اخبارتازہ ترین۔ 28 ستمبر 2026ء) مسلم لیگ ن کے رہنماء اور وزیراعظم کے معاون خصوصی حذیفہ رحمان نے دعویٰ کیا ہے کہ حکومت اور پاکستان تحریکِ انصاف کے درمیان بیک ڈور رابطے آج بھی بحال ہیں، تاہم پی ٹی آئی کے پرتشدد اندازِ احتجاج کے بعد اب معاملہ حتمی مرحلے میں داخل ہو چکا ہے اور خیبر پختونخواہ میں گورنر راج کا نفاذ بھی ممکن ہے کیونکہ احتجاج سے روزانہ 120 ارب روپے کا قومی معاشی نقصان ہو رہا ہے۔

اس حوالے سے گفتگو کرتے ہوئے انہوں نے اسلام آباد اور پنجاب کی ناکہ بندی کی صورتِ حال پر روشنی ڈالتے ہوئے کہا کہ ہم نے اٹک پل پر 10 دن مسلسل ویلڈنگ کرکے لوہے کی مضبوط شیٹس لگائیں، لیکن دوسری طرف سے آنے والے مظاہرین اتنے خونخوار تھے کہ انہوں نے ہاتھوں سے پکڑ کر ان بھاری لوہے کی ویلڈنگ شیٹوں کو اکھاڑ کر نیچے دریا میں پھینک دیا۔

(جاری ہے)

ان کے پاس ایسے خونخوار لوگ ہیں کہ ہم نے اٹک پل پر 10 دن ویلڈنگ کی لیکن انہوں نے ہاتھوں سے اٹھا کر ان ویلڈنگ شیٹوں کو نیچے دریا میں پھینک دیا ! حذیفہ رحمان ۔۔۔ pic.twitter.com/i6dgl1GfDK
— Imran Riaz Khan Fan (@ImranRiaz__Fan) September 28, 2026

حذیفہ رحمان نے سیاسی صورتِ حال اور پی ٹی آئی پر بات کرتے ہوئے کہا کہ حکومت اور پی ٹی آئی کے درمیان آج بھی بیک ڈور رابطے بحال ہیں، لیکن تحریکِ انصاف کے مسلسل احتجاج کی وجہ سے ملک کو روزانہ کی بنیاد پر 120 ارب روپے کا معاشی نقصان ہو رہا ہے، اس بار معاملہ محض وقتی حل کا نہیں بلکہ ونس فار آل ہوگا اور سچ یہ ہے کہ مجھے آگے چیزیں اچھی اور بہتر ہوتی ہوئی نظر نہیں آ رہیں۔

خیبر پختونخواہ کی سیاسی و انتظامی صورتِ حال پر مسلم لیگ ن کے رہنما نے مزید کہا کہ وزیراعلیٰ کے پی سہیل آفریدی کو اب خود بھی اس بات کا احساس ہونا شروع ہو گیا ہے کہ چیزیں اور معاملات ان کے کنٹرول سے باہر نکل رہے ہیں، ایسی صورتِ حال میں کچھ بھی غیر متوقع ہو سکتا ہے اور خیبر پختونخواہ میں گورنر راج کا نفاذ بھی مکمل طور پر ممکن ہے۔