ڈپٹی کمشنر زیارت کی زیرِ صدارت ضلع واٹر بورڈ کمیٹی کا اجلاس

منگل 29 ستمبر 2026 16:00

کوئٹہ (اُردو پوائنٹ اخبارتازہ ترین - اے پی پی۔ 29 ستمبر2026ء) ڈپٹی کمشنر زیارت عبدالقدوس اچکزئی کی زیرِ صدارت ضلع واٹر بورڈ کمیٹی کا اہم اجلاس منعقد ہوا جس میں ضلع زیارت میں رِگ بور کے این او سی کے اجراء سے متعلق مختلف امور کا تفصیلی جائزہ لیا گیا۔پیر کو منعقدہ اجلاس میں محکمہ ایریگیشن کے محمد ہاشم سارنگزئی، محکمہ پبلک ہیلتھ کے سب انجینئر عبدالغنی، واپڈا کے لائن سپرنٹنڈنٹ خدائے نور، زمیندار ایکشن کمیٹی کے محمد نعیم پانیزئی سمیت دیگر متعلقہ افسران اور عہدیداران نے شرکت کی۔

اجلاس کے دوران رِگ بور کے این او سی کے اجراء کے لیے موصول ہونے والی درخواستوں، متعلقہ قواعد و ضوابط، تکنیکی امور اور دیگر معاملات پر تفصیلی غور و خوض کیا گیا۔ شرکاء نے زیرِ غور درخواستوں سے متعلق مختلف پہلوؤں کا جائزہ لیتے ہوئے اپنی آراء اور تجاویز بھی پیش کیں۔

(جاری ہے)

اس موقع پر ڈپٹی کمشنر عبدالقدوس اچکزئی نے متعلقہ حکام کو ہدایت کی کہ رِگ بور کے این او سی کے اجراء سے متعلق تمام معاملات کو مقررہ قواعد و ضوابط کے مطابق شفاف، غیر جانب دارانہ اور میرٹ کی بنیاد پر نمٹایا جائے جبکہ پانی کے وسائل کے تحفظ اور عوامی و زرعی ضروریات کو بھی مدنظر رکھا جائے۔

انہوں نے کہا کہ ضلع میں آبی وسائل کے مؤثر اور منظم استعمال کے لیے متعلقہ محکموں کے درمیان باہمی رابطہ اور قانون و ضابطے کی مکمل پاسداری کو یقینی بنایا جائے۔