Live Updates

اوگرا کا جمعرات کیلئے پٹرولیم مصنوعات کی ایکس ڈپو قیمتوں میں کمی کا نوٹیفکیشن جاری

بدھ 30 ستمبر 2026 23:12

اسلام آباد (اُردو پوائنٹ اخبارتازہ ترین - اے پی پی۔ 30 ستمبر2026ء) اوگرا نے حکومتی پٹرولیم پرائسنگ میکنزم کے تحت کل (جمعرات) کے لئے پٹرولیم مصنوعات کی ایکس ڈپو قیمتوں میں کمی کا نوٹیفکیشن جاری کر دیا۔

(جاری ہے)

بدھ کو پٹرولیم ڈویژن کی جانب سے جاری اعلامیہ کے مطابق ہائی اسپیڈ ڈیزل کی قیمت میں 1 روپے 89 پیسے فی لٹر کمی کی گئی ہے جس کے بعد نئی قیمت 400 روپے 35 پیسے ہو گئی ہے۔ اسی طرح پٹرول کی قیمت میں 14 پیسے فی لٹر کمی کے بعد نئی قیمت 387 روپے 40 پیسے مقرر کی گئی ہے۔ پٹرولیم ڈویژن نے کہا ہے کہ اعلان کردہ قیمتیں عالمی مارکیٹ میں پٹرول اور ڈیزل کی قیمتوں سے منسلک ہیں، عالمی مارکیٹ میں تبدیلیوں، پلاٹس ریٹس، پریمیم اور دیگر اخراجات کے مطابق پٹرولیم مصنوعات کی قیمتوں میں ردوبدل کیا گیا۔