ٹین ایج مڈفیلڈر گلبرٹو مورا کی ٹخنے کی چوٹ کے باعث چلی کے خلاف دوستانہ میچ سے باہر ہونے کی تصدیق

منگل 6 اکتوبر 2026 21:22

میکسیکو سٹی(اُردو پوائنٹ اخبارتازہ ترین - این این آئی۔ 06 اکتوبر2026ء) میکسیکن فٹ بال فیڈریشن (ایف ایم ایف)نے ٹین ایج مڈفیلڈر گلبرٹو مورا کی ٹخنے کی چوٹ کے باعث چلی کے خلاف دوستانہ میچ سے باہر ہونے کی تصدیق کر دی ہے۔

(جاری ہے)

غیر ملکی میڈیا کے مطابق 17 سالہ کھلاڑی گلبرٹو مورا 26 ستمبر کو کولمبیا کے خلاف 1-1 سے ڈرا ہونے والے میچ میں زخمی ہوئے تھے جس کی وجہ سے وہ پیرو اور امریکا کے خلاف میچز میں بھی شرکت نہیں کر سکے تھے۔

فیڈریشن نے سوشل میڈیا پر اپنے پیغام میں بتایا کہ گلبرٹو مورا وقت سے پہلے اپنے کلب تیجوانا واپس لوٹ جائیں گے ،معطل شدہ لیفٹ بیک میٹیو چاویژ بھی اپنے ڈچ کلب اے زیڈ الکمار واپس چلے جائیں گے۔ یاد رہے کہ آئندہ میچ میں میکسیکو اور چلی کا آمنا سامنا لاس اینجلس میں ہوگا۔