تباہ کن زلزلے،ماؤنٹ ایورسٹ کی چٹان ہلیری تباہ ہو گئی

’ہلیری سٹیپ‘ ممکنہ طور پر سنہ 2015 میں نیپال میں آنے والے تباہ کن زلزلے کی وجہ سے تباہ ہوا ،کوہ پیماء

پیر 22 مئی 2017 11:58

کھٹمنڈو(اُردو پوائنٹ اخبار آن لائن۔ منگل 23 مئی 2017ء)دنیا کی بلند ترین چوٹی ماؤنٹ ایورسٹ پر موجود مشہور چٹان ’ہلیری سٹیپ‘ تباہ ہو گئی ہے جس کی وجہ سے یہ چوٹی کوہ پیماؤں کے لیے مزید خطرناک ہو گئی ہے۔میڈیارپورٹس کے مطابق کوہ پیماؤں کا کہنا تھا کہ ’ہلیری سٹیپ‘ ممکنہ طور پر سنہ 2015 میں نیپال میں آنے والے تباہ کن زلزلے کی وجہ سے تباہ ہوا ہے۔

یہ ماؤنٹ ایورسٹ کی چوٹی تک پہنچتے ہوئے جنوب مشرق کی جانب 12 میٹر لمبی افقی چٹان ہے۔

(جاری ہے)

اس چوٹی کو یہ نام سر ایمونڈ ہلیری کی وجہ سے دیا گیا تھا جنھوں نے سنہ 1953 میں سب سے پہلے اس چوٹی کو فتح کیا تھا۔مئی 2016 میں امریکن ہمالین فاؤنڈیشن کی جانب سے پوسٹ کی جانے والی تصاویر میں دیکھا گیا تھا کہ ہلیری نامی چٹان نے اپنی شکل تبدیل کی تھی۔اس مرتبہ کم برفباری ہوئی ہے جس سے یہ واضح ہو گیا ہے کہ وہ چٹان اب نہیں رہی۔کوہ پیما موسلیڈ نے فیس بک پر لکھا کہ گذشتہ برس وہ اس حصے پر چڑھے تھے تاہم اس وقت شدید برفباری کی وجہ سے یہ واضح نہیں ہو سکا تھا کہ یہ چٹان ختم ہو چکی ہے۔تاہم ان کا کہنا تھا کہ وہ یہ کہہ سکتے ہیں کہ چٹان کا حصہ جسے ہلیری سٹیپ کا نام دیا گیا تھا اب موجود نہیں ہے۔

Facebook Twitter Google + Share on Whatsapp

تباہ کن زلزلے،ماؤنٹ ایورسٹ کی چٹان ہلیری تباہ ہو گئی

’ہلیری سٹیپ‘ ممکنہ طور پر سنہ 2015 میں نیپال میں آنے والے تباہ کن زلزلے کی وجہ سے تباہ ہوا ،کوہ پیماء

منگل 23 مئی 2017 کی مزید خبریں