Fast Food Khane Wale Hoshiyar - Article No. 3000

فاسٹ فوڈ کھانے والے ہوشیار - تحریر نمبر 3000

ان کی یہ عادت نہ صرف موٹاپا، بلڈ پریشر اور ذیابیطس کے خطرے کو بڑھاتی ہے بلکہ خون کی بڑی اور چھوٹی نالیوں کو اندرونی طور پر شدید متاثر کرتی ہیں

بدھ 3 ستمبر 2025

جنک فوڈ اور ناقص خوراک کھانے والے سمجھ جائیں کہ ان کی یہ عادت نہ صرف موٹاپا، بلڈ پریشر اور ذیابیطس کے خطرے کو بڑھاتی ہے بلکہ خون کی بڑی اور چھوٹی نالیوں کو اندرونی طور پر شدید متاثر کرتی ہیں۔جرمنی میں یونیورسٹی آف لیپزگ کے سائنسدانوں نے کہا ہے کہ بہت سے ثبوت کے مطابق مرغن غذا، جنک اور فاسٹ فوڈ سے شریانوں کے اندر رگوں کی دیواریں متاثر ہوتی ہیں، یہاں تک کہ اینڈو تھیلیل خلیات متاثر ہو سکتے ہیں۔

اس کے نتیجے میں پوشیدہ امراض اور دیگر بیماریاں بڑھ سکتی ہیں۔دوسری جانب ان کا نتیجہ موٹاپے کی صورت میں بھی برآمد ہو سکتا ہے۔

دوسری جانب ماہرین کا دعویٰ ہے کہ فضول اقسام کے کھانوں سے پہلے استحالہ (میٹابولزم) کا حساس نظام متاثر ہوتا ہے۔اس سے اہم اعضا میں خون کی رگیں متاثر ہوتی ہیں لیکن مختلف انداز میں منفی اثرات مرتب ہوتے ہیں۔

(جاری ہے)

مثلاً جگر کی رگوں میں چکنائیاں بھرتی ہیں تو گردوں کی رگیں میٹابولک سطح پر قبل ہونے لگتی ہیں اور پھیپھڑوں کی رگوں میں جلن بڑھ جاتی ہے۔اس کا نتیجہ امراضِ قلب، اعصابی بیماری، موٹاپے اور دیگر بیماریوں کی صورت میں نمودار ہو سکتا ہے۔دوسری جانب سائنسدانوں نے یہ بھی کہا ہے کہ اس کے برخلاف اچھی، متوازن اور مناسب غذا سے بیماریاں ختم کرنے میں مدد مل سکتی ہے۔ان میں سبزیاں، پھل، دالیں، سفید گوشت اور دیگر مغزیات سرِ فہرست ہیں۔