Teen Dost - Article No. 1165
تین دوست - تحریر نمبر 1165
کسی شہر میں تین دوست رہتے تھے ۔ان میں گہری دوستی تھی ۔ہنسی خوشی زندگی گزاررہے تھے۔بد قسمتی سے ان کا کاروبار تباہ ہو گیاور وہ تنگ دستی کی زندگی گزار نے پر مجبور ہو گئے
پیر 20 اگست 2018
محمد شاہد حفیظ
کسی شہر میں تین دوست رہتے تھے ۔ان میں گہری دوستی تھی ۔ہنسی خوشی زندگی گزاررہے تھے۔بد قسمتی سے ان کا کاروبار تباہ ہو گیاور وہ تنگ دستی کی زندگی گزار نے پر مجبور ہو گئے ۔انھوں نے سوچا کہ کسی دوسرے شہر میں جا کر قسمت آزمانی چا ہیے ۔چناں چہ انھوں نے کچھ پیسے اور ضروری سامان ساتھ لیا اور سفر کوروانہ ہوگئے ۔چلتے چلتے وہ ایک شہر میں قریب پہنچے ۔
(جاری ہے)
اسی دوران انھیں بھوک لگی ۔
انھوں نے اپنے میں سے ایک ساتھ کو کچھ پیسے دے کر بازار بھیجا کہ کھانے کا کچھ سامان لے آئے ۔جب وہ کھانا لانے کے لیے روانہ ہوا تو باقی دودوستوں کے دل میں لالچ پیدا ہو گیا ۔انھوں نے سوچا کہ جو نہی ہمار ا دوست کھانا لے کر آئے گا ہم اسے مارڈالیں گے اور ساری رقم آپس میں آدھی آدھی با نٹ لیں گے ۔کچھ ایسا ہی لالچ ان کے تیسرے دوست کے دل میں بھی پیدا ہو گیا جو کہ کھانا لانے بازار گیا تھا ۔وہ سوچ رہا تھا کہ تیسرے حصے کی تھوڑی سی رقم سے میرا کیا بنے گا کیوں نہ میں کھانے میں زہر ملادوں اور پوری کی پوری رقم کا میں اکیلا مالک بن جاؤں ،مگر فوراََ ہی یہ خیال اس کے دل ودماغ سے غائب ہو گیا ۔اس نے سوچا کہ زہر ملا کھانا کھانے سے میرے دونوں دوست مر جائیں گے ،رقم تو میرے ہاتھ لگ جائے گی ،مگر دونوں کا قتل میرے سر ہو جائے گا ۔پولیس مجھے نہیں چھوڑے گی اور مجھے جیل کی سزا ہوجائے گی اور پھر مجھے پھانسی پر لٹکا دیا جائے گا ۔اس نے لالچ کو اپنے دل سے جھٹک دیا ۔اُدھر دونوں دوستوں کے دل میں بھی یہی خیال آیا کہ ہم رقم کے لالچ میں اسے قتل تو کردیں گے ،مگر اس جرم میں ہمیں سزا ے موت ہوجائے گی اور یہ رقم بھی ہمارے کسی کام کی نہیں رہے گی ۔یہ سوچ کر انھوں نے فوراََ قتل کا منصوبہ اپنے دل سے نکال دیا ۔تیسرا دوست کھانے لے کر پہنچا ۔تینوں دوست کھانے پر ٹوٹ پڑے ۔کھانا کھا کے خدا کا شکر اداکیا ،اور اس بات کا بھی شکر ادا کیا کہ وہ لالچ جیسی بُری بلا سے بچ گئے ہیں ۔آخر میں تینوں نے تھیلی سے رقم نکالی ۔پہلے ساری رقم گنی ۔پھر اسے تین حصوں میں برابر تقسیم کرلی اور خوشی خوشی اپنے گھر وں کو روانہ ہو گئے ۔اس طرح وہ تینوں عبرت ناک انجام سے بچ گئے ۔Browse More Moral Stories
شہزادی دھنک کی سالگرہ
Shehzadi Dhanak Ki Salgirah
عقل مند شہزادی۔۔۔تحریر: مختار احمد
Aqal Mand Shahzadi
غربت کا شکار
Ghurbt Ka Shikkar
بچے گھروں میں رہ کر کیا کریں
Bache Gharoon Main Reh Kar Kiya Kareen
اپنے پاؤں پر
Apne Paon Par
چڑیا کا انتقام۔۔۔تحریر:ابوعبدالقدوس محمد یحییٰ
Chirya Ka Inteqam
Urdu Jokes
گاہک درزی سے
gahak darzi se
لطیفے باپ بیٹے سے
latifay baap beti se
کہیں مجھے نہ نگل جانا
kahin mujhe nah nigal jana
ایک صاحب
Aik sahib
ایک امیر آدمی
Aik ameer admi
ارشد
Arshad
Urdu Paheliyan
ایک استاد ایسا کہلائے
ek ustad aisa kehlaye
کہہ دیں اس کو آتا جاتا
keh dena usko aata jata
کچھ قطرے آنکھوں میں ڈالے
kuch qatre ankhon me dale
آتا نہ دیکھا جاتا نہ دیکھا
ata na dekha jata na dekha
گھر سے نکلی باہر آئی
ghar se nikli bahir ai
جنت میں جانے کا حیلہ
jannat mein jaane ka hela