اُردو پوائنٹ پاکستان اسلام آباداسلام آباد کی خبریںآپ کے خلاف بننے والے مقدمات کا مجھے علم نہیں ،ْ گلے شکوے دور کریں ،ْ ..

آپ کے خلاف بننے والے مقدمات کا مجھے علم نہیں ،ْ گلے شکوے دور کریں ،ْ نوازشریف نے آصف زر داری کو پیغام بھجوادیا

اسلام آباد (اُردو پوائنٹ اخبارتازہ ترین۔ 23 اکتوبر2018ء)نجی ٹی وی نے اپنی رپورٹ میں دعویٰ کیا ہے کہ پاکستان مسلم لیگ (ن)کے قائد سابق وزیراعظم نواز شریف نے آصف علی زرداری کو پیغام بھجواتے ہوئے کہا ہے کہ وہ گلے شکوے دور کریں، انھیں غلط فہمی ہوئی ہے۔ ان کے خلاف بننے والے مقدمات کا مجھے علم نہیں تھا۔نجی ٹی وی کے مطابق سابق وزیر اعظم محمد نواز شریف نے آصف زرداری کو گلے شکوے ختم کرنے کا پیغام بھجوا دیا۔

آصف زرداری کے شکوے کا جواب میں نواز شریف نے مولانا فضل الرحمان کے ہاتھ پیغام بھجواتے ہوئے کہا کہ وہ زرداری صاحب سے کہیں کہ ان کے خلاف مقدمہ میں نے نہیں بنایا ،ْ مجھے تو ان مقدمات کا علم ہی نہیں تھا، غلط فہمی دور کر دیں۔ادھر حمزہ شہباز نے بھی پیپلز پارٹی رہنماؤں کے ساتھ ملاقات کا اشارہ دے دیا ہے۔

(خبر جاری ہے)

ذرائع کے مطابق مولانا فضل الرحمان کئی دنوں سے ن لیگ اور پیپلز پارٹی کی قیادت کے درمیان غلط فہمیاں دور کرانے کیلئے سرگرم ہیں تا کہ تحریک انصاف حکومت کے خلاف اپوزیشن یکجا ہو کر مشترکہ لائحہ عمل طے کر سکے۔

یاد رہے کہ آصف زرداری نے پریس کانفرنس کرتے ہوئے جہاں تحریک انصاف کو آڑے ہاتھوں لیا، وہیں نواز شریف سے بھی شکوہ کرتے ہوئے کہا تھا کہ جو مقدمات وہ بھگت رہے ہیں ،ْ یہ نواز شریف کے بنائے ہوئے ہیں۔

اپنی رائے کا اظہار کریں -

اسلام آباد شہر کی مزید خبریں