اسلام آباد میں کورونا کیسز والے 10 تعلیمی ادارے بندکرنیکے احکامات جاری

پیر 17 جنوری 2022 23:30

اسلام آباد (اُردو پوائنٹ اخبارتازہ ترین - این این آئی۔ 17 جنوری2022ء) وفاقی دارالحکومت اسلام آبادکے تعلیمی اداروں میں کورونا کے مثبت کیسز میں اضافہ ہونے لگا،گزشتہ تین دن کے اندر 10 سرکاری تعلیمی اداروں میں کورونا کے 28 کیسز رپورٹ ہو چکے ہیں۔

(جاری ہے)

ڈسٹرکٹ ہیلتھ آفیسر ڈاکٹر زعیم ضیاء کی طرف سے ضلعی انتظامیہ کو لکھے گئے مراسلے میں کہا گیا ہے کہ ایک روز میں 8 تعلیمی اداروں میں کورونا کے 22 کیس رپورٹ ہوئے ہیں، جن تعلیمی اداروں میں کورونا کے کیس رپورٹ ہوئے ہیں ان کو فوری طور پر آئندہ احکامات تک بند رکھا جائے۔

گزشتہ روز بھی دو سرکاری تعلیمی اداروں میں کورونا کے 6 کیس رپورٹ ہوئے تھے، اسلام آباد میں مجموعی طور پر گزشتہ تین دن کے اندر 10 سرکاری تعلیمی اداروں کورونا کے 28 کیس رپورٹ ہو چکے ہیں۔

متعلقہ عنوان :

اسلام آباد شہر میں شائع ہونے والی مزید خبریں:

Your Thoughts and Comments