پاکستان میں تمام مذاہب کے پیروکار آزاد ہیں اور ریاست ان کے حقوق کا مکمل تحفظ کر رہی ہے،فیصل کریم کنڈی
جمعرات 25 اپریل 2024 23:00
(جاری ہے)
اس کانفرنس نے مذہبی آزادی اور بین المذاہب ہم آہنگی کو امن، ترقی اور سماجی اتحاد کے بنیادی ستونوں کے طور پر اجاگر کیا۔
یہ کانفرنس دنیا بھر میں مذہبی آزادی کے بڑھتے ہوئے چیلنجوں ، شدت پسندی اور عدم برداشت کے درمیان ایک اہم پلیٹ فارم فراہم کرتا ہے۔ اس کانفرنس نے خیالات کے تبادلے، بہترین طریقوں کے اشتراک اور مذہبی رواداری اور تفہیم کو فروغ دینے کے لیے نئے طریقوں کو تلاش کرنے کے لیے ایک فورم کے طور پر کام کیا۔ فیصل کریم کنڈی نے کہا کہ یہ خوش آئند ہے کہ وطن عزیز میں تمام مذاہب اور مسالک کے لوگ اکٹھے ہیں اور ایک دوسرے کی خوشیوں میں بھی شریک ہوتے ہیں۔ انھوں نے قومی اتحاد کے لیے سماجی اور مذہبی تنوع کی قدروں کو برقرار رکھنے کے لیے مکالمے کے فروغ کی ضرورت پر زور دیا۔ایس ایس ڈی او کے ایگزیکٹو ڈائریکٹر سید کوثر عباس نے بین المذہبی ہم آہنگی اور پاکستان میں مذہبی برادریوں کے کردار کی اہمیت کو اجاگر کیا اور 11 اگست کے خطاب میں قائد اعظم کے بیان کردہ وژن کے ساتھ سرکاری پالیسیوں کو ہم آہنگ کرنے کی ضرورت پر زور دیا۔ آل نیبرز یو ایس اے کے صدر میاں الیاس مسیح نے کہا کہ پاکستان میں اس طرز کی سرگرمیوں کا انعقاد اہمیت کا حامل ہے ۔ امریکی سفارت خانہ اسلام آباد کی قائم مقام ڈپٹی ہیڈ آف مشن کیٹ سوموونگسری نے ایس ایس ڈی او اور آل نیبرز یو ایس اے کو مبارکباد پیش کی کہ انہوں نے ماہرین، مذہبی ماہرین اور عقیدے سے تعلق رکھنے والے مرد و خواتین کا ایک متنوع گروپ تشکیل دیا ہے تاکہ اس بات پر غور کیا جاسکے کہ کس طرح ہر کوئی تمام پاکستانیوں کے لئے زیادہ پرامن، زیادہ روادار اور زیادہ منصفانہ معاشرے میں اپنا کردار ادا کرسکتا ہے۔انہوں نے کہا کہ یہ ضروری ہے کہ ان لوگوں کی غیر معمولی اچھائیوں کا تحفظ کیا جائے جو امن کو فروغ دینے، بیماروں کی دیکھ بھال کرنے، ہمارے سیارے کی حفاظت کرنے اور پسماندہ برادریوں کے لئے مواقع کو بڑھانے میں کردار ادا کرتے ہیں ۔امریکی وفد کی نمائندگی ڈاکٹر جیک ہائے (صدر، ہینری کالج)، ڈاکٹر جوزف نائے اور الیاس مسیح نے کی۔ انہوں نے پاکستان میں امن، ہم آہنگی اور سماجی اتحاد کو مزید آگے بڑھانے کے لیے اپنے تجربات سے حاصل کیے گئے تجربات اور بہترین طریقے شرکاء سے شیئر کیے ۔ بچوں کے حقوق سے متعلق قومی کمیشن کی چیئرپرسن عائشہ رضا فاروق نے اقلیتی بچوں کے حقوق کے بارے میں شرکاء کو آگاہ کیا ۔ سمٹ کے دوسرے سیشن میں ایک پینل ڈسکشن منعقد ہو ئی جس میں چیئرمین سندھ ہیومن رائٹس کمیشن اقبال احمد دیتھ، ممبر سندھ ہیومن رائٹس کمیشن حکومت سندھ سکھدیو اسسرداس ہیمان، سابق چیئرپرسن این سی آر س افشاں تحسین اور ڈائریکٹر ایس ایس ڈی او محمد شاہد شامل تھے ۔ ڈائریکٹر جنرل نیشنل پولیس بیورو ڈاکٹر احسان صادق نے پاکستان میں تمام مذہبی اور مسلکی برادریوں کے درمیان امن، بین المذاہب ہم آہنگی، اور بامعنی بات چیت اور تعاون کو فروغ دینے کے لیے عملی حل پر روشنی ڈالی ۔مقررین نے امریکہ اور پاکستان بھر سے شرکاء کا خیرمقدم کیا جن میں پادری، پنڈت، مسلمان، سکھ اور بہائی کمیونٹی کے علماء شامل ہیں۔ شرکاء نے مذہبی آزادی کو آگے بڑھانے، بین المذاہب افہام و تفہیم کو فروغ دینے، اور ثقافتوں و عقائد کے درمیان تقسیم کو ختم کرنے کے عزم کا اظہار کیا۔متعلقہ عنوان :
اسلام آباد میں شائع ہونے والی مزید خبریں
اساس انٹرنیشنل اسکول، ایف ایٹ کیمپس میں کامیاب ایکسپو کا انعقاد
نجی ٹی وی چینلز پر اووربلنگ کے حوالےسے وفاقی وزیر توانائی سے منسوب بیان میں کوئی صداقت نہیں،اعلامیہ ..
وفاقی وزارت تعلیم کااسلام آباد کے تعلیمی اداروں میں16 جدید ترین آئی ٹی لیبز قائم کرنے کا فیصلہ
آئیسکو ریجن میں ضروری سسٹم مینٹیننس کیلئے عارضی بجلی بندش کا شیڈول جاری
pقزاخستان میں 5ویں ورلڈ نو میڈ گیمز 8 ستمبر سے شروع ہوں گی
جاپان کے اشتراک سے جیم سٹون سیکٹر کی ترقی کے لئے تکنیکی معاونت کے پروگرام کا آغاز
جمہوری روایات میں انتہاپسندی کی کوئی گنجائش نہیں،ڈائیلاگ کے ذریعے وجود میں آنیوالا ملک ڈائیلاگ سے ہی ..
پاک چین شراکت داری ہمارے سفارتی تعلقات کی مضبوطی کی نشاندہی کرتی ہے ،فرح ناز اکبر
ایف پی سی سی آئی کے انتخابات میں کامیابی کے بعد یو بی جی قیادت کا ایس سی سی آئی کا دورہ
ساؤتھ ایشین روپ اسکیپنگ چیمپئن شپ میں پاکستان نے 6 تمغے اپنے نام کر لیے
بجلی کی اوور بلنگ پر 3 سال کی سزا کا بل منظور
سپریم کورٹ (کل ) پیر کو فیض آباد دھرنا کیس کی سماعت کرے گی
اسلام آباد سے متعلقہ
پاکستان کی تازہ ترین خبریں
-
پولیس اہلکار پر نازیبا حرکات کا الزام، خواجہ سراؤں نے تھانے پر دھاوا بول دیا
-
بجلی کی اوور بلنگ پر 3 سال کی سزا کا بل منظور
-
تاجردوست سکیم کی ناکامی پر ایف بی آر کا ازخود دکانداروں کی رجسٹریشن کا فیصلہ
-
وزیراعظم کی اضافی چینی برآمد کرنے کے لیے وزارت نیشنل فوڈسیکیورٹی کو جائزہ لینے کی ہدایت کردی
-
وفاقی حکومت کا لاہور اور کراچی میں ایک‘ ایک پاسپورٹ آفس 24 گھنٹے کھلا رکھنے کا اعلان
-
فیصل آباد میں پنساری کی دوائی کھانے سے ایک خاتون اور چار نوجوان لڑکیاں ہلاک
-
مئی کو بانی پی ٹی آئی نے عوام کو ورغلایا،شرجیل میمن
-
اتحاد کی طاقت سے ہم دہشت گردی کی لعنت کو مکمل طور پر ختم کر دیں گے، وزیر داخلہ محسن نقوی
-
2 انتہائی مطلوب دہشت گرد اپنے ہی ساتھیوں کی فائرنگ سے ہلاک
-
شیر افضل مروت کی گاڑی کو حادثہ
-
گندم خریداری میں تاخیر پر احتجاج، حکومت نے کسان رہنماؤں کو ملاقات کی دعوت دے دی
-
نائلہ کیانی ہزاروں میٹر بلند 11 چوٹیاں سر کرنے والی پہلی پاکستانی خاتون بن گئیں