ڈی سی لاہور کے صدر بازار، دھرم پورہ بازار میں پرائس کنٹرول شکایت کیمپ اور یو سی 04 میں ڈینگی لاروا کو چیک کرنے کے لئے دورے

لاہور(اُردو پوائنٹ اخبارتازہ ترین - این این آئی۔ 14 نومبر2019ء) ڈی سی لاہور دانش افضال نے صدر بازار، دھرم پورہ بازار میں پرائس کنٹرول شکایت کیمپ اور یو سی 04 میں ڈینگی لاروا کو چیک کرنے کے لئے دورے کیئے۔اے سی کینٹ عفت خان بھی ڈی سی لاہور دانش افضال کے ہمراہ تھی۔ڈی سی لاہور دانش افضال نے صدر بازار اور دھرم پورہ بازار میں قائم شکایت کیمپ کو چیک کرنے کے لئے دورہ کیا۔

انہوں نے پرائس کنٹرول مجسٹریٹس اور دیگر سٹاف کی حاضری کو چیک کیا اورکیمپس میں شکایات کا جائزہ لیا اوروصول کردہ شکایات پر کئے گئے جرمانوں کو چیک کیا۔ڈی سی لاہور دانش افضال نے پرائس کنٹرول مجسٹریٹس کو شکایات پر سختی سے جرمانے کرنے کی ہدایت کی۔ڈی سی لاہور نے صدر بازار اور دھرم پورہ بازار میں اشیاء ضروریہ کی فراہمی کا جائزہ بھی لیا۔

(جاری ہے)

ڈی سی لاہور دانش افضال نے یو سی 04 کا بھی دورہ کیا۔انہوں نے ڈینگی ٹیموں کی کارکردگی اور حاضری کو چیک کیا اورڈینگی سروئلنس کا جائزہ لیا۔ڈی سی لاہور نے ڈینگی لاروا کو بھی چیک کیا اوریو سی کے رہائشیوں سے ڈینگی ورکرز کے بارے میں دریافت کیا۔ ڈی سی لاہور نے یو سی کے رہائشیوں کو ڈینگی سے بچاؤ کے حوالے سے آگاہی بھی دی۔انہوں نے ڈینگی ورکرز کو ہدایت کی کہ روف ٹاپس، کنٹینرز اور کولرز کی چیکنگ کو یقینی بنائیں۔ ڈی سی لاہور دانش افضال نے کہا کہ جہاں ڈینگی لاروا برآمد ہو، فوری طور پر تلف کریں اور ڈینگی سپرے کو یقینی بنائیں۔