رحیم یار خان، صدرانکم ٹیکس بار ایسوسی ایشن اجمل سہیل ایڈووکیٹ کی زیرصدارت میٹنگ کاانعقاد

رحیم یارخان (اُردو پوائنٹ اخبارتازہ ترین - اے پی پی۔ 02 اپریل2024ء) صدرانکم ٹیکس بار ایسوسی ایشن اجمل سہیل ایڈووکیٹ کی زیرصدارت ایک میٹنگ کاانعقادہوا، جس میں، جنرل سیکرٹری شہر جہاں خان دشتی ایڈووکیٹ، نائب صدردانشمندخان ایڈووکیٹ، جوائنٹ سیکرٹری مشتاق احمد ایڈووکیٹ، میڈیا کوآرڈینیٹرمرزاسلیم ایڈووکیٹ، فنانس سیکرٹری محمد عمران کھرل ایڈووکیٹ نے خصوصی طورپرشرکت کی۔

(جاری ہے)

میٹنگ سے خطاب کرتے ہوئے صدراجمل سہیل ایڈووکیٹ نے کہاکہ فیصلہ ٹیکس بارکے شعبے میں بہتری اورترقی کے راستے پرایک نیاقدم ہے، ان عہدیداروں کی سرپرستی میں، ہم امید کرتے ہیں کہ ٹیکس بارکے امور میں بہترین حل سازی اور ترقی حاصل ہوگی، ٹیکس بار کی میٹنگ میں غیر وکلاء کے لئے ٹیکس ریٹرن فائل کرنے کی ممنوعیت کا فیصلہ کیاگیاہے ،اس فیصلے کے تحت، صرف وکلااور کامرس ڈگری ہولڈرز جو کہ انکم ٹیکس آرڈیننس 2001 سیکشن 223 کے تحت ٹیکس ریٹرن فائل کرنے کی اجازت ہوگی اور دیگر پرائیویٹ اشخاص کواحاطہ کچہری میں ٹیکس کا کام کرنے کی اجازت نہیں ہوگی ،اس تدبیر کا مقصد ٹیکس بار کے شعبے میں درستگی اورٹیکس کے وکلاء کے لیے ایک اہم اقدام ہے ،ایف آئی آر کے ذریعے نان پروفیشنل کے خلاف قانونی کارروائی کا اندراج کیا جائے گا،نان پروفیشنل کے خلاف ایف آئی آر درج ہو گی ،ایف آئی آر کی مدد سے نان پروفیشنل کے خلاف قانونی کارروائی کا اندراج کیا جائے گاتاکہ کسی بھی غیر وکلا کی جانب سے ٹیکس ریٹرن فائل کرنے یا قانونی معاملات سے انحراف کو روکا جا سکے ،یہ اقدام ایف آئی آر کی سختی اورہماری قانونی تنظیم کو مدد فراہم کرنے کا حصہ ہے۔