تھانہ ائیرپورٹ پولیس کی 15 کال پر فوری کارروائی

(جاری ہے)

تفصیلات کے مطابق تھانہ ائیرپورٹ پولیس نے 15 کال پر فوری کارروائی کرتے ہوئے انسانی اعضاء کی غیر قانونی پیوند کاری میں ملوث گینگ کو بے نقاب کر دیا،انسانی اعضاء کی غیر قانونی پیوند کاری میں ملوث گینگ کے 4 افراد کو گرفتار کر لیا،پیوند کاری میں استعمال ہونے والے آلات بھی برآمد کر لیے، ملزمان نے پاکستانی و غیر ملکی شہریوں کے لئے گردے فروخت کرنے کا انکشاف کیا،پولیس کو 15 پر اطلاع موصول ہوئی تھی کہ ایک گھر سے کسی کے چیخنے چلانے کی آوازیں آ رہی ہیں، پولیس نے فوری رسپانڈ کیا تو ایک شخص کو سٹریچر سے بندھا پایا جسے آزاد کروایا گیا، متن مقدمہ کے مطابق متاثرہ شخص کو نوکری کا جھانسہ دے کر بلایا گیا تھا، اسے بلا کر نشہ آور شے پلا کر نیم بیہوش کیا گیا اور مختلف میڈیکل ٹیسٹ کئے گئے،ٹیسٹ کروانے کا مقصد متاثرہ شخص کا گردہ نکال کر فروخت کرنا تھا،پولیس کے بروقت اور موثر رسپانس سے ایک شخص خطرناک غیر قانونی پیوندکاری سے بچ گیا، 04 افراد کو گرفتار کر کے تفتیش کی جا رہی ہے، ملزمان کے ساتھیوں اور سہولت کاروں کو بھی جلد گرفتار کیا جائے گا، شہریوں کے جان و مال کا تحفظ اولین ترجیح ہے جسے ہر صورت یقینی بنایا جائے گا۔