سانحہ ساہیوال، ڈی ایس پی سی ٹی ڈی آصف کمال کا بیان قلمبند

گرفتار ملزمان صفدر حسین نے اہلکاروں کی طرف سے کار پر فائرنگ نہ کر نے کا اپنا موقف دہرایا

منگل 5 مارچ 2019 23:00

ساہیوال(اُردو پوائنٹ اخبارتازہ ترین - آن لائن۔ 05 مارچ2019ء) سانحہ ساہیوال کی جو ڈیشل انکوائری کے آفیسر شکیل احمد گورائیہ نے پانچویں سماعت پر سی ٹی ڈی کے ڈی ایس پی آصف کمال کا بیان قلمبند کیا اور سانحہ ساہیوال کے متعلق ڈی ایس پی آصف کمال سے آگاہی حاصل کی جبکہ گرفتار ملزمان صفدر حسین نے سی ٹی ڈی کے اہلکاروں کی طرف سے کار پر فائرنگ نہ کر نے کا اپنا موقف دہرایا اور کہا کہ کار پر دوسری طرف سے فائرنگ ہوئی ہے۔

(جاری ہے)

مر زا آصف ڈی ایس پی ،ریجنل آفیسر سیف اللہ اور سی ٹی ڈی انسپکٹر عادل کے بیانات قلمبند کئے جائیں گے اور جو ڈیشل انکوائری اگلے روز بھی جاری رہے گی ۔تاہم ڈی ایس پی آصف کمال نے اپنے مو قف میں سی ٹی ڈی کی کاروائی کو درست ثابت کر نے کیلئے دلائل دئے اور بیان قلمبند کرایا۔تاہم مقدمہ کے مد عی مہر جلیل احمد اور مقتول کے بیٹے عمیر نے وزیرا عظم سے انصاف کی اپیل کی ہے اور مہر جلیل نے جے آئی ٹی کی رپورٹ کو سی ٹی ڈی کے آفیسروں کو تحفظ فراہم کر نے کا را ستہ قرار دیا۔