زمبابوے اور نیوزی لینڈ کی کرکٹ ٹیموں کے درمیان دوسرا ٹیسٹ میچ 7 اگست سے شروع ہوگا

ہرارے (اُردو پوائنٹ اخبارتازہ ترین - اے پی پی۔ 04 اگست2025ء) زمبابوے اور نیوزی لینڈ کی کرکٹ ٹیموں کے درمیان دو ٹیسٹ میچوں پر مشتمل سیریز کا دوسرا اور آخری میچ 7سے 11 اگست تک کوئنز سپورٹس کلب، بلاوائیو میں کھیلا جائے گا۔نیوزی لینڈ کی ٹیم کو میزبان زمبابوے کے خلاف دو میچوں کی سیریز میں 0-1 کی برتری حاصل ہے۔ کیوی ٹیم نے پہلے ٹیسٹ میچ میں زمبابوے کو 9 وکٹوں سے شکست دی تھی۔

(جاری ہے)

نیوزی لینڈ کی ٹیم ان دنوں زمبابوے کے دورہ پر ہے جہاں وہ میزبان زمبابوے کی ٹیم کے خلاف دو ٹیسٹ میچوں کی سیریز کھیلے گی،جس کا ایک میچ کھیلا جاچکا جو کیوی ٹیم نے جیت لیا تھا۔ نیوزی لینڈ کی ٹیم کو مایہ ناز بلے باز ٹام لیتھم لیڈ کریں گے جبکہ میزبان زمبابوے کی ٹیم کو کریگ ایرون لیڈ کریں گے۔دونوں ٹیموں کے درمیان دوسرا اور آخری ٹیسٹ میچ 7 سے 11 اگست تک کوئنز سپورٹس کلب، بلاوائیو میں کھیلا جائے گا۔\932