قلم کی اہمیت

وَ الْقَلَمِ وَ مَا یَسْطُرُوْنَ۔سورہ القلم آیت:1
خدا جن کی قسم کھاتا ہے ان  کا شمار قیمتی اشیاء میں سے ہوجاتا ہے،ان میں سے ایک"قلم" ہےجس کی خدا نے قسم کھا کر اس کو قیمتی بنادیا۔خاص طور پر ایسے ماحول اور ایسے دور میں قلم کی قسم کھانا جس دور میں قلم اور کتابت کی طرف کوئی خاص رجحان نہیں تھا،اور بھی قلم کی اہمیت اورضرورت کواجاگرکرتا ہے۔

خداوند متعال قلم کی عظمت و اہمیت کو مزید بیان کرتے ہوئےقلم کے ذریعے تعلیم کی روش کو اپنے آپ سے نسبت دیتے ہوئےفرماتا    ہے :الَّذِیْ عَلَّمَ بِالْقَلَمِ {سورہ علق ۴}۔
خدا نے{ سورہ قلم میں} قلم  سے لکھے ہوئےسطروں کی قسم کھا کر ان مطالب اور تحریروں کی اہمیت کی طرف توجہ دلائی اور یہ پیغام دیا کہ قلم کے ذریعے جو بھی لکھوحق لکھو،فکر رحمانی کو اس عظیم آلہ کے ذریعےکائنات کے ہر گوشہ تک پہنچاو۔

(جاری ہے)

لہذا قلم سے لکھا ہوا ایک ایک کلمہ اہمیت کا حامل ہے اور اس کلمہ کا خدا کے نزدیک ایک خاص مقام ہے ۔قلم ایک طرح سے دوسری زبان ہے جس سےتحریری انداز میں انسان دوسروں سے گفتگو کرتا ہے، اپنےخیالات و افکارات کو دوسروں تک منتقل کرتا ہے۔ افکارات اور نظریات کو دوسروں تک پہنچانےکےلیے دو ذراِئع ہیں ایک کلام اور دوسرا قلم۔ان میں سے بھی جو اہم    اورمحکم ذریعہ ہے وہ "قلم" ہے۔

  وہ اس لیےکہ جو انسان اپنے نظریات اور افکارات کو  قلمبند کرتا ہے تو وہ اپنے زمانے کے علاوہ آنے والی نسلوں کے درمیان بھی موجود ہوتا۔ ،کیونکہ وہ انسان کبھی مر نہیں سکتا جس کی فکر معاشرے میں زندہ ہو  وہ اپنےقلم کے ذریعےہر دور کے انسان سےگفتگو کرتا ہے۔ ہر دور کے لوگ اس کے افکارات سے بہرہ مند ہوتاہے،ہر دور کا انسان اس شخص کی شخصیت سے واقف ہوسکتا ہے، اس کو پڑھ سکتا ہے جیساکہ ڈاکٹر محمداقبالؒ اور امام خمینی اپنےافکار کےتوسط سےآج بھی حیات ہیں کیونکہ ان کی فکر کو قلم کےذریعے محفوظ کیا گیا  ہے۔

قلم ایک مضبوط آلہ ہے کہ اس سے لکھے  گے لفظوں کو محو  نہیں کیا جاسکتا  اس لیے قلم کو بہت احتیاط سے استعمال کرناچاہیے، جیسا کہ ایک معروف جملہ ہے"خیانت کرنے والاقلم قوموں کو ہلاک کردیتا ہے"۔قلم ہرقوم اور ہر دور کی ضرورت ہے۔ بقول اقبال  
قلم خداوند متعال کی ایک ایسی  نعمت ہے جس نے علم جیسی نعمت کو بھی محفوظ کیا ہوا ہے۔اور ہر نعمت  کا شکر اس کا صحیح استعمال ہے۔اور قلم کا صحیح استعمال یہ ہے کہ اس سے لکھا ہوا ہر ایک حرف حق پر مبنی ہو۔