سنگیتا اپنی فلم ”مٹھی بھر چاول “پر ٹی وی ڈرامہ بنانے کی تیاری میں مصروف

اتوار 5 اگست 2007 12:10

لاہور (ٍٍاردوپوائنٹ اخبار تازہ ترین05 اگست 2007 ) ہدایتکارہ سنگیتا اپنی فلم ”مٹھی بھرچاول “کو ٹی وی ڈرامہ کی شکل میں بنانے کی تیاری کر رہی ہیں ۔ اس سلسلے میں انہوں نے اپنے دیرینہ رائٹر ساتھی اقبال رضوی کی خدمات حاصل کی ہیں جو اس مشہور ناول کی ڈرامائی تشکیل دینگے ۔

(جاری ہے)

معلوم ہوا ہے کہ سنگیتا نے اس ڈرامہ سیریل کو خود ڈائریکٹ کرنے کا فیصلہ کیا ہے اور اس سلسلے میں ایک نجی ٹی وی چینل سے معاہدہ بھی کر لیا ہے ۔ ڈرامہ سیریل میں میرا ‘ریشم اور صائمہ سے اہم کردار ادا کرانے کی توقع ہے ۔ تینوں فنکارائیں اس سیریل میں کام کرنے کیلئے نیم رضا مند ہو گئی ہیں جبکہ سنگیتا کا ٹی وی کیلئے یہ پہلا ڈرامہ سیریل ہو گا۔