سلمان خان لاہور آئے تو عام تعطیل کرنا پڑے گی

جمعہ 14 اگست 2026 13:25

لاہور (اُردو پوائنٹ اخبارتازہ ترین - این این آئی۔ 14 اگست2026ء) پاکستان کے معروف گلوکار مصطفی زاہد کا کہنا ہے کہ اگر سلمان خان لاہور آئے تو شہر میں عام تعطیل کرنا پڑے گی۔گلوکار مصطفی زاہد نے حال ہی میں بھارتی صحافی کو انٹرویو دیتے ہوئے دونوں ممالک میں فنکاروں کی مقبولیت پر اپنے خیالات کا اظہار کیا ہے۔پاکستان میں سلمان خان کی مقبولیت کا ذکر کرتے ہوئے مصطفی زاہد نے ہنستے ہوئے کہا کہ میں ہمیشہ ہنستا ہوں کہ اگر سلمان خان لاہور آ جائے تو لاہور میں تو پبلک ہالیڈے کا اعلان کرنا ہوگا۔

(جاری ہے)

انہوں نے گفتگو کرتے ہوئے اس بات پر بھی روشنی ڈالی کہ بھارت اور پاکستان کے درمیان سیاسی کشیدگی کے باوجود فنکاروں سے لوگوں کی محبت برقرار رہ سکتی ہے۔گلوکار نے مزید وضاحت کرتے ہوئے کہا کہ مداحوں کا فنکاروں سے جو لگا ہے وہ سیاسی کشیدگی ختم یا تبدیل نہیں کرتی۔ان کا کہنا تھا کہ سیاسی صورتِ حال سے قطع نظر فن سے محبت اپنی جگہ برقرار رہتی ہے، محبت فن کے لیے واقعی موجود ہے، لوگ جس سے محبت کرتے ہیں، اس سے محبت کرتے ہیں۔واضح رہے کہ مصطفی زاہد نے بالی ووڈ کی فلم آوارہ پن اور ایک ولن سمیت متعدد فلموں کے لیے گانے گائے ہیں۔

Facebook Twitter Google + Share on Whatsapp

سلمان خان لاہور آئے تو عام تعطیل کرنا پڑے گی

متعلقہ عنوان :

مزید فن و فنکار کی خبریں