چمن ‘ پشین ‘زیارت اور مسلم باغ سمیت شمالی علاقے سخت سردی کی لپیٹ میں ہیں ‘محکمہ موسمیات

اسلام آباد(اُردو پوائنٹ تاز ترین اخبار۔ 11 دسمبر 2014ء)محکمہ موسمیات نے کہاہے کہ بلوچستان میں چمن ‘ پشین ‘زیارت اور مسلم باغ سمیت شمالی علاقے سخت سردی کی لپیٹ میں ہیں ‘بلوچستان کے شمالی علاقوں میں بڑھتی سردی نے جلانے کی لکڑی کے دام بھی بڑھا دیئے ہیں محکمہ موسمیات کے مطابق بلوچستان میں چمن ،پشین،زیارت اور مسلم باغ سمیت شمالی علاقے سخت سردی کی لپیٹ میں ہیں ‘سردی میں اضافے کے ساتھ ہی جلانے کی لکڑی کے دام بھی بڑھ گئے ہیں اور لوگ منہ مانگے دام میں لکڑی خرید رہے ہیں سردی کی شدت سے بچنے کے لئے گھروں میں ہیٹر اور گرم ملبوسات کے استعمال میں اضافے کے علاوہ گھروں سے باہر مزدور طبقہ لکڑیاں جلا کر اپنے ہاتھ سیک رہے ہیں گلگت بلتستان ،مالاکنڈ اور ہزارہ ڈویژن میں سردی کی لہر برقرار رہی ساتھ ہی موسمی امراض بھی تیزی سے پھیلنے لگے جس سے بچے اور خواتین زیادہ متاثر ہوئے ۔

(جاری ہے)

محکمہ موسمیات کے مطابق سندھ اور بلوچستان سمیت دیگر علاقوں میں موسم خشک اور سرد رہنے کا امکان ہے ۔رواں ہفتے کے آخر میں سردی میں بتدریج کمی ہونے کی توقع ہے۔