آئندہ دو روز تک موسم شدید سرد اور خشک رہے گا ،محکمہ موسمیات

اسلام آباد( اُردو پوائنٹ تازہ ترین اخبار۔ 19 دسمبر 2014ء ) محکمہ موسمیات کے مطابق آئندہ دو روز تک موسم شدید سرد اور خشک رہے گا ۔ انتہائی سخت سردی کے باعث ملک کے شمالی علاقہ جات میں درجہ حرارت نقطہ انجماد سے نیچے گر گیا ۔ جبکہ ملک کے میدانی علاقوں میں آئندہ چند روز تک بارش کا امکان نہیں ۔

(جاری ہے)

جبکہ رات اور صبح کے اوقات میں گوجرانوالہ ، لاہور، فیصل آباد اور ساہیوال ڈویژنوں میں شدید دھند رہے گی تاہم سرگودھا ، بہاولپور ، ملتان ڈی جی خان پشاور ڈی آئی خان اور سکھر ڈویژن میں دھند چھائی رہے گی موٹروے ایم ٹو کے گردونواح (لاہرو تا پنڈی بھٹیاں ) میں شدید دھند جبکہ موٹروے ایم ون ( پشاور تا بریان ) میں صبح کے وقت شدید دھند رہی ملک کے بڑے شہروں میں درجہ حرارت اسلام آباد میں ایک ، لاہور میں 4، کراچی میں 12، پشاور میں 1، کوئٹہ میں 4، سکردو میں 11سنٹی گریڈ ریکارڈ کیا گیا