کراچی :حساس اداروں نے ٹارگٹ کلنگ میں ملوث ملزموں کی شناخت کر لی

اتوار 22 مارچ 2015 12:20

کراچی(اُردو پوائنٹ اخبارتازہ ترین۔22مارچ۔2015ء) حساس اداروں نے کراچی میں فرقہ وارانہ ٹارگٹ کلنگ میں ملوث ملزمان کی شناخت کرلی ہے ۔ رپورٹ کے مطابق کالعدم جماعت کے پانچ گروہ سیاسی جماعت کے کارکنوں کی مدد سے واردات کرتے ہیں ۔ حساس اداروں نے کراچی میں جاری فرقہ وارانہ ٹارگٹ کلنگ میں ملوث ملزموں کی شناخت کرلی ہے ۔ رپورٹ کے مطابق کالعدم جماعت کے پانچ گروہ اپنے ضلعی گروہوں کے ساتھ مل کر شہر قائد میں ٹارگٹ کلنگ کی وارداتیں کر رہے ہیں ۔

(جاری ہے)

رپورٹ کے مطابق کالعدم جماعتیں سیاسی تنظیم کے ٹارگٹ کلرز کی مدد سے اپنے اہداف حاصل کر رہی ہیں ۔ ٹارگٹ کلنگ کی وارداتوں میں نعیم بخاری گروپ ، عطا اللہ ، آصف چھوٹو گروپ ، جند الہ اور القاعدہ ملوث ہیں ۔ نعیم بخاری گروپ سیٹرل زون میں پولیس اہلکاروں کی ٹارگٹ کلنگ میں ملوث ہے ۔ حساس اداروں کی رپورٹ کے مطابق چند روز پہلے پریڈی سٹریٹ اور آرام باغ میں پولیس اہلکاروں کی ٹارگٹ کلنگ اور بہادر آباد میں بوہری برادری کے قتل میں کالعدم جماعت کا ایک ہی گروپ ملوث ہے ۔