درجہ حرارت میں مسلسل کمی سے خون جما دینے والی سردی نے ڈیرے ڈال لیے

اسلام آباد /چترال /لیہ /کوئٹہ (اُردو پوائنٹ اخبارتازہ ترین - آئی این پی۔19 دسمبر۔2015ء )ملک کے مختلف علاقوں میں درجہ حرارت میں مسلسل کمی سے خون جما دینے والی سردی نے ڈیرے ڈال لیے، استور اورقلات سمیت دیگر علاقوں میں درجہ حرارت منفی 10 تک پہنچ گیا، موسم سرد اور خشک ہونے سے موسمی امراض کاخدشہ پیدا ہوگیا ،شانگلہ ،اپر اور لوئر دیر اورغذر میں خیموں میں گزرتے دنوں کے ساتھ زلزلہ متاثرین کی دشوار یاں مسلسل بڑھنے لگیں ،محکمہ موسمیات نے اگلے دو سے تین روز کے دوران گلگت بلتستان، شمالی بلوچستان، فاٹا، اسلام آباد، بالائی پنجاب اور خیبر پختونخوا میں موسم شدید سرد اور خشک ر ہنے کی پیشگوئی کی ۔

شانگلہ ،اپر اور لوئر دیر اورغذر میں خیموں میں گزرتے دنوں کے ساتھ ساتھ زلزلہ متاثرین کی دشواریوں کم ہونے کے بجائے مسلسل بڑ ھنے لگیں ، درجہ حرارت میں کمی کے ساتھ بڑھتی ہوئی سردی ان خیموں میں مقیم زلزلہ متاثرین کو مختلف بیماریوں میں مبتلا کرنے لگی جس سے ان کی مشکلات مزید بڑھ گئی جن میں نمونیا، نزلہ اور کھانسی وغیرہ شامل ہیں۔

(جاری ہے)

قلات،چمن ،زیارت سمیت بلوچستان کے دیگر شہروں میں سردی کی شدت میں روز بروز اضافہ ہونے لگا۔

خیبر پختونخوا،پنجاب اور سندھ کے شہر بھی سردی کی لپیٹ میں آگئے ۔محکمہ موسمیات کے مطابق اگلے دو سے تین روز کے دوران گلگت بلتستان، شمالی بلوچستان، فاٹا، اسلام آباد، بالائی پنجاب اور خیبر پختونخواہ میں موسم شدید سرد اور خشک رہے گا۔ ملک کے بالائی شہروں میں درجہ حرارت میں مسلسل کمی آ نے لگی ۔خون جما دینے والی سردی نے ڈیرے ڈال لیے ۔ استور کا درجہ حرارت منفی 10اور اسکردو کا منفی 9 ڈگری سینٹی گریڈ تک پہنچ گیا۔

قلات، چمن، زیارت سمیت بلوچستان کے دیگر شہروں میں سردی کی شدت بڑ ھنے لگی۔قلات کا درجہ حرارت منفی 9ڈگری سینٹی گریڈ ریکارڈ کیا گیا ۔خیبر پختونخوا، پنجاب اور سندھ کے شہر بھی سردی کی لیپٹ میں آگئے۔محکمہ موسمیات کے مطابق اگلے دو سے تین روز کے دوران گلگت بلتستان، شمالی بلوچستان، فاٹا، اسلام آباد، بالائی پنجاب اور خیبر پختونخوا میں موسم شدید سرد اور خشک رہے گا۔