فیصل آباد، مختلف علاقوں میں دوروز سے بارش کا سلسلہ جاری

فیصل آباد (اُردو پوائنٹ اخبارتازہ ترین - آن لائن۔12 مارچ۔2016ء) پنجاب بھر کے مختلف علاقوں میں گذشت دوروز سے بارش کا سلسلہ جاری ،جبکہ طوفانی بارشوں اور آسمانی بجلی سے فیصل آباد کے مختلف علاقوں میں فیکٹری اورمکان کی چھت گرنے سے دیگرواقعات میں کر ریسکیو 1122کے دو اہلکاروں سمیت پانچ افراد زخمی ہوگئے ‘آن لائن کے مطابق کے مطابق رات گئے ‘ریسکیو 1122کے دو اہلکار تیس سالہ حنان اور تیس سالہ عبدالله موٹر سائیکل پر سوار ہو کرسرگودھا روڈ پر جارہے تھے کہ باوا چک کے نزدیک رات کی تاریکی کے باعث واسا کے کھلے مین ہول میں گر کر شدید زخمی ہوگئے ‘ریسکیو 1122کے اہلکاروں نے فوری طبی امداد دیکر فارغ جبکہ حنان کو شدید زخموں کے باعث الائیڈ ہسپتال منتقل کردیا جہاں پر اس کی حالت تسلی بخش بتائی جاتی ہے ستیانہ روڈ زم زم ٹیکسٹائل کے نزدیک طوفانی بارش کے باعث بانسوں والے کارخانے کی دیوار گرنے سے ملبے تلے دب کر چھبیس سالہ محبوب جبکہ جڑانوالہ روڈ پر سٹیم پاور بجلی گھر کے نزدیک بارش کے دوران آسمانی بجلی گرنے سے مکان کی چھت منہد م ہوگئی جس کے نیچے آکر45سالہ ساجدہ انجم زوجہ انجم اور اقراء دختر انجم شدید زخمی ہوگئے ‘زخمیوں کو ریسکیو 1122کی ٹیموں نے الائیڈ اورسول ہسپتال منتقل کردیا ہے ۔