اقتصادی راہداری منصوبے کی تکمیل سے معاشی انقلاب برپا ہو گا، آپریشن ضرب عضب آخری دہشت گردکے خاتمے تک جار ی رہے گا، بہت جلد ملک میں مکمل طور پر امن بحال ہو جائے گا امن وامان کی بہتری سے کاروبار ی ماحول بہتر ہوا ہے،تاجر برادری حکومت کو اقتصادی پالیسی بناتے وقت ٹھوس تجاویز دے
صدر ممنون حسین کا ملتان چیمبر آف کامرس اینڈ انڈسٹری کے زیرِ اہتمام تقریب سے خطاب
جمعرات 5 مئی 2016 21:37
ملتان(اُردو پوائنٹ اخبارتازہ ترین - آئی این پی۔05 مئی۔2016ء) صدر مملکت ممنون حسین نے کہا ہے کہ اقتصادی راہداری منصوبے کے تکمیل سے ملک میں معاشی انقلاب برپا ہو جائے گا ، آپریشن ضرب عضب آخری دہشت گردکے خاتمے تک جار ی رہے گا، بہت جلد ملک میں مکمل طور پر امن بحال ہو جائے گا امن وامان کی بہتری سے کاروبار ی ماحول بہتر ہوا ہے، تاجر برادری ملک کی تعمیر و ترقی میں ریڑھ کی ہڈی کی حیثیت رکھتی ہے ، ان کی مدد اور اعانت کے بغیر زیادہ پیش رفت نہیں ہو سکتی۔
اس سلسلے میں تاجر برادری کو چاہیے کہ وہ حکومت کو ٹھوس تجاویز دیں تاکہ اقتصادی پالیسی بناتے وقت تمام اسٹیک ہولڈرز کی رائے شامل ہو اور جامع اور موثر پالیسی بن سکے۔ وہ جمعرات کو ملتان چیمبر آف کامرس اینڈ انڈسٹری کے زیرِ اہتمام منعقد کی جانے والی تقریب سے خطاب کر رہے تھے ۔(جاری ہے)
صدر مملکت نے خطاب کرتے ہوئے کہا کہ تاجر اور صنعت کار برادری کو اپنے آپ کو جدید تقاضوں کے مطابق ڈھالنا چاہیے تاکہ وہ آنے والے چیلنجوں کا مقابلہ کر سکیں اور بین الاقوامی تجارت میں اپنی حیثیت منو ا سکیں۔
انھوں نے مزید کہا کہ تاجر برادری ملک کی تعمیر و ترقی میں ریڑھ کی ہڈی کی حیثیت رکھتی ہے ، ان کی مدد اور اعانت کے بغیر زیادہ پیش رفت نہیں ہو سکتی۔ اس سلسلے میں تاجر برادری کو چاہیے کہ وہ حکومت کو ٹھوس تجاویز دیں تاکہ اقتصادی پالیسی بناتے وقت تمام اسٹیک ہولڈرز کی رائے شامل ہو اور جامع اور موثر پالیسی بن سکے۔صدر مملکت نے تاجر اور صنعت کار برادری پر زور دیا کہ وہ روائتی مصنوعات، دستکاری اور کشیدہ کاری وغیرہ پر بھی توجہ دیں جو ہمارے ملک کی سیاحت اور برآمدات کے فروغ کا ذریعہ بنتی ہیں اور اس سے علاقائی ثقافت کی عکاسی ہوتی ہے۔صدر مملکت نے ملتان کے کاشت کاروں اور صنعت کاروں کے درمیان روابط کے لیے ایک فورم بنانے کی بھی تجویز دی جس کے ذریعے زرعی اجناس کی برآمدات کو فروغ دیا جا سکے اور زرعی پیداوارمیں ہونے والے نقصانات سے بچا جا سکے۔ صدر مملکت نے تاجروں اور صنعت کاروں کو یقین دلایا کہ سینٹر آف ایکسیلنس، ایکسپورٹ ڈسپلے سنٹر اور کولڈ اسٹوریج کے قیام کے لیے حکومت بھرپور اقدامات کر رہی ہے۔ انہوں نے کہا کہ ملک میں اس وقت اقتصادی پالیسیاں درست سمت میں ہیں جن کے نتیجے میں حالات میں بہتری آ رہی ہے۔ اقتصادی راہداری کے فعال ہو جانے کے بعد پاکستان اس خطے کا اہم ترین ملک بن جائے گا اور یہ منصوبہ پورے خطے کے لیے فائدہ مند ثابت ہو گا۔انہوں نے مزیدکہا کہ حکومت کی درست پالیسیوں کی وجہ سے توانائی کے بحران میں بتدریج کمی آر ہی ہے جس سے صنعت کاروں کو فائدہ پہنچ رہا ہے۔صدر مملکت نے کہا کہ بدامنی اور دہشت گردی کے خاتمے کے لیے بھی حکومت نے نیشنل ایکشن پلان کے تحت اقدامات کیے ہیں جس سے امن و عامہ کی صورتِ حال میں بہتری آئی ہے۔ انہوں نے کہا کہ آپریشن ضرب عضب آخری دہشت گردکے خاتمے تک جارے رہے گا اور بہت جلد ملک میں مکمل طور پر امن بحال ہو جائے گا۔اس سے قبل ملتان شہر کیممتاز شہریوں ، زراعت کے شعبے سے تعلق رکھنے والے افراد نے صدر مملکت سے ملاقات کی۔اس موقع پر گورنر پنجاب محمد رفیق رجوانہ اور وفاقی وزیر سکندر حیات بوسن بھی موجود تھے۔متعلقہ عنوان :
مزید اہم خبریں
-
شمالی کیرولینا کی تین بچی کے سو سال پرانے گھر میں بھوتوں کی موجودگی کا معاملہ اختتام کو پہنچ گیا
-
پروفیسر تقدیس گیلانی،وزیراعظم شہبازشریف کے ہمراہ او- آئی۔ سی کانفرنس میں شرکت کریں گی
-
بدقسمتی یہ ہے کہ سچ سب کو پتا ہے لیکن بولتا کوئی نہیں، جسٹس اطہر من اللہ
-
آئی ایم ایف کی جانب سے ایک اعشاریہ1ارب ڈالر کی قسط کی منظوری پر شہبازشریف کا اظہاراطمینان
-
وزارت خزانہ کو بینک کھاتوں میں موجود غیر استعمال شدہ عوامی رقوم کو اپنے قبضے میں لینے کی اجازت؟
-
وزیرداخلہ محسن نقوی کا نادرا سنٹر کینٹ کا دورہ ، انتظامات بہتر بنانے کی ہدایت
-
نومئی جلاﺅ گھیراﺅ مقدمات: اسد عمر کی بریت کی درخواست پر فیصلہ محفوظ
-
عدالت نے بشریٰ بی بی کو زہر دیئے جانے کے خدشے کی درخواست نمٹا دی
-
برطانیہ اور یورپی یونین کا نیا فوڈ بارڈر کنٹرول
-
امریکا میں خالصتان تحریک کے راہنماءپنونت سنگھ پنوں کو بھارتی وزیراعظم مودی کے دست راست انٹیلی جنس افسر نے قتل کروایا
-
آئی ایم ایف کے قرض سے پاکستان ڈیفالٹ سے بچ گیا، شہباز شریف
-
بینکس ،مالیاتی ادارے ( کل ) بند رہیں گے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.