پاکستان کے دشمن اقتصادی راہداری منصوبے کونشانہ بنارہے ہیں۔وزیراعظم نوازشریف
وزیراعظم کی وزیراعلیٰ بلوچستان کوسکیورٹی میکنزم تشکیل دیکر رپورٹ پیش کرنے کی ہدایت،افسوسناک دھماکہ قوم کے عزم کو متزلزل نہیں کرسکتا،ریاستی ادارے پوری طاقت سے دہشتگردوں کو جواب دیں،پاک فوج اقتصادی راہداری منصوبے کو درپیش چیلنجز سے نمٹ رہی ہے،جنرل راحیل شریف کی قیادت میں پاک فوج مئوثر کردارادا کررہی ہے۔وزیراعظم کی زیرصدارت اعلیٰ سطحی اجلاس
ثنااللہ ناگرہ پیر 8 اگست 2016 19:40
کوئٹہ(اردوپوائنٹ اخبارتازہ ترین۔08اگست2016ء) :وزیراعظم محمد نوازشریف نے زیرصدارت سکیورٹی کی صورتحال پرگورنرہاؤس بلوچستان میں اعلیٰ سطحی اجلاس ہو،اجلاس میں وزیراعظم نوازشریف کو امن وامان کی صورتحال پربریفنگ دی گئی ۔ملک میں سکیورٹی کی صورتحال پراجلاس میں آرمی چیف جنرل راحیل شریف، گورنربلوچستان،وزیراعلیٰ ثناء اللہ زہری،وفاقی وزیراطلاعات و نشریات پرویزرشید،مشیر قومی سلامتی ناصر جنجوعہ، کمانڈر سدرن کمانڈ،ڈی جی ایم آئی،ڈی جی ایم او اور ڈی جی آئی ایس پی آر،چیف سیکرٹری سمیت دیگر حکام نے شرکت کی۔
اجلاس میں وزیراعظم نے وزیراعلیٰ بلوچستان کومیکنزم کی تشکیل کیلئے رپورٹ پیش کرنے کی ہدایت کی۔اس موقعہ پروزیراعظم محمد نوازشریف نے کہا کہ دہشت گرد معصوم لوگوں کو نشانہ بنارہے ہیں۔(جاری ہے)
افسوسناک دھماکہ قوم کے عزم کو متزلزل نہیں کرسکتا۔انہوں نے کہا کہ دہشتگردی کے خاتمے کیلئے تمام ا دارے کاروائی کریں۔تمام ریاستی ادارے پوری طاقت کے ساتھ دہشتگردوں کو جواب دیں۔
گزشتہ تین سال میں ملک امن وامان کی صورتحال بہتر ہوئی ہے۔دہشتگرد آسان اہداف کو نشانہ بنارہے ہیں۔پاکستان کے دشمن اقتصادی راہداری منصوبے کے مخالف ہیں۔اس میں کوئی شک نہیں کہ سی پیک منصوبے کو نشانہ بنایا جارہاہے۔پاک فوج اقتصادی راہداری منصوبے کو درپیش چیلنجز سے نمٹ رہی ہے۔جنرل راحیل شریف کی قیادت میں پاک فوج مئوثر کردار ادا کررہی ہے۔قبل ازیں وزیراعظم نوازشریف نے کوئٹہ پہنچ کر سی ایم ایچ کوئٹہ میں دھماکے میں زخمی ہونیوالوں کی عیادت کی۔آرمی چیف جنرل راحیل شریف بھی وزیراعظم کے ہمراہ تھے۔وزیراعظم نے زخمیوں کی جلد صحت یابی کیلئے دعا کی۔ وزیراعظم نے انتظامیہ کو زخمیوں کو بہترین طبی سہولتیں فراہم کرنے کی ہدایت بھی کی۔وزیراعظم نوازشریف نے کہا کہ شہداء کے لواحقین کو تنہا نہیں چھوڑیں گے،شہداء کے بچے میرے بچے ہیں۔انہوں نے کہا کہ شہداء کے ورثاء کے دکھ میں ان کیساتھ ہیں۔وزیراعظم نے کہا کہ دہشتگردوں کو کیفرکردار تک پہنچائیں گے۔وزیراعظم نے کہا کہ دہشتگردی کے عالمی خطرے سے نمٹنے کیلئے ہرممکن کوشش کرینگے۔ دہشتگردوں کو جدید مربوط طریقہ کار سے مئوثر جواب دینگے۔انہوں نے کہا کہ ایف سی اور محکمہ انسداد دہشتگردی کی استعداد کو بڑھائیں گے۔جبکہ وفاقی اور صوبائی سطح پر انٹیلی جنس اداروں کا نیٹ ورک فعال بنائینگے۔مزید اہم خبریں
-
لاہور میں مسلح افراد نے فائرنگ کرکے پولیس سب انسپکٹر کو قتل کردیا
-
تحریک انصاف مذاکرات نہیں ڈیل کی درخواستیں دے رہی ہے، وزیراطلاعات سندھ
-
عوام کیلئے مہنگائی کا ایک اور "تحفہ"، بجلی مہنگی کر دی گئی
-
انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ
-
حکومت کا کام دعویٰ کرنا نہیں، کام کر کے دکھانا ہے، شاہد خاقان عباسی
-
علی امین گنڈاپور پختونوں کے نام پر دھبہ اور غیرت پر سوالیہ نشان ہے
-
وفاقی وزیرداخلہ کی چینی قونصل جنرل سے ملاقات، دوطرفہ تعاون وچینی شہریوں کی سکیورٹی پر تبادلہ خیال
-
وزیرخارجہ کا اقتصادی سفارت کاری اور بیرون ممالک کے ساتھ سرمایہ کاری کے تعلقات کو فروغ دینے کی کوششوں کی ضرورت پر زور
-
بانی چئیرمین نے اسٹیبلشمنٹ اور سیاسی جماعتوں سے مذاکرات کی اجازت دے دی
-
8 فروری کو پِک اینڈ چُوز ہوا لیکن اداروں کے سربراہان ملوث نہیں تھے
-
اگر 9 مئی والوں سے مذاکرات ہوئے تو پھر آئندبڑا سانحہ ہوسکتا ہے
-
چین میں پاکستان کیلئے تیار ہونے والی پہلی ہنگور کلاس آبدوز کا افتتاح
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.