3 ستمبر کو لاہور میں گونوازگو ہوگا، پنجاب کا 56 فیصد بجٹ لاہور پر خرچ ہورہا ہے، شریف خاندان کی بادشاہت میں میرٹ نہیں ، (ن)لیگ پنجاب پولیس سے غنڈہ گردی کرواتی ہے ،لاہور میں پی ٹی آئی کے کارکنوں کو حمزہ شہبار نے قتل کروا یا، پھر مقتول کے اہل خانہ کو صلح پر مجبور کیا گیا، عوام نے فیصلہ کرلیا ہے کہ کرپٹ لیڈر کے پیچھے نہیں چلیں گے، ہم لاہور میں پاکستان کا فیصلہ کر کے دکھائیں گے
تحریک انصاف کے چیئرمین عمران خان کاعوامی جلسہ سے خطاب
پیر 29 اگست 2016 22:37
بورے والا (اُردو پوائنٹ اخبارتازہ ترین - آئی این پی۔29 اگست ۔2016ء) پاکستان تحریک انصاف کے چیئرمین عمران خان نے کہا ہے کہ 3 ستمبر کو لاہور میں گونوازگو ہوگا، پنجاب کا 56 فیصد بجٹ لاہور پر خرچ ہورہا ہے، شریف خاندان کی بادشاہت میں میرٹ نہیں ہے، (ن)لیگ پنجاب پولیس سے غنڈاگردی کرواتی ہے ،لاہور میں پی ٹی آئی کے کارکنوں کو حمزہ شہبار نے قتل کروادیا اور پھر مقتول کے اہل خانہ کو صلح پر مجبور کیا گیا، عوام نے فیصلہ کرلیا ہے کہ کرپٹ لیڈر کے پیچھے نہیں چلیں گے، ہم لاہور میں پاکستان کا فیصلہ کر کے دکھائیں گے۔
وہ پیر کو یہاں عوامی جلسہ سے خطاب کررہے تھے، انہوں نے کہا کہ مسلمانوں کی تباہی کی وجہ بادشاہت تھی اور مغرب جمہوریت کی وجہ سے آگے نکل گیا ، جمہوریت میں میرٹ ہوتا ہے جبکہ بادشاہت میں میرٹ نہیں ہوتا، عمران خان نے کہا کہ پنجاب کا 56 فیصد بجٹ لاہورپر خرچ ہورہا ہے اور3 فیصد ملتان کو مل رہا ہے جس سے جنوبی پنجاب میں محرومی پیدا ہورہی ہے۔(جاری ہے)
پی ٹی آئی چیئرمین نے کہا کہ امیر مزید امیر اور غریب مزید غریب ہورہا ہے، خدا عوام کی خدمت کرنیوالوں کو عزت دیتا ہے، جو عوام کی خدمت نہیں کرتے انہیں عوام سے بچنے کیلئے دیواریں کھڑی کرنا پڑتی ہیں، عوامی خدمت کرنے والے ایسے بڑے جلسے نہیں کرسکتے، انہوں نے کہا (ن) لیگ والے پیسے اور پولیس کا استعمال کرکے الیکشن جیتتے ہیں، لاہور میں پی ٹی آئی کارکنوں کو حمزہ شہباز نے قتل کروایا اورپھر مقتول کے اہل خانہ کو صلح کیلئے مجبور کیا گیا مگر ہمارے نوجوان نے صلح سے انکار کردیا، عمران خان نے کہا کہ ہمارے نوجوان کو دن دیہاڑے گولیاں ماری گئیں، (ن) لیگ نے پنجاب پولیس کو گلوؤں کی پولیس بنا دیا ہے، اسکے ذریعے غلط کام کروائے جاتے ہیں، خیبرپختونخواہ کی پولیس نمبر ون ہے اور کمزوروں کو بھی انصاف مل رہا ہے، خیبرپختونخوا میں 34 ہزار بچے پرائیویٹ سے سرکاری اسکولوں میں گئے ،انہوں نے کہا کہ میاں صاحب قوم کو معلوم ہے کہ آپ اربوں روپے باہر لے گئے،میاں صاحب لوگوں سے بچانے کی سفارشیں کروا رہے ہیں،ہمیں معلوم ہے کہ کن ممالک کے آگے میاں صاحب ہاتھ جوڑ رہے ہیں مگر یاد رکھیں یہ ممالک آپکو بچا نہیں سکتے۔
عمران خان نے کہا کہ ملک کا وزیر اعظم کرپٹ ہو تو سارے اداروں کو تباہ کردیتا ہے اور ملک میں بڑے بڑے مگرمچھ ٹیکس نہیں دیتے، غریب عوام ڈیزل اور پٹرول پر ٹیکس دیتے ہیں۔انہوں نے کہا کہ عوام نے فیصلہ کرلیا ہے کہ کرپٹ لیڈر کے پیچھے نہیں چلیں گے، ہم لاہور میں پاکستان کا فیصلہ کر کے دکھائیں گے، عمران خان نے کہا کہ ایک شخص لندن میں بیٹھ کر پاکستان میں دہشت گردی کر رہا ہے وہ 24 سال سے لگاتار دہشتگردی کروا رہا ہے مگر اب اسکا دور ختم ہوگیا ہےمزید اہم خبریں
-
لاہور میں پولیس اہلکار نے گولی مارکرخودکشی کرلی
-
ملکی معیشت کو صحیح سمت پر لیجانے کیلئے کڑوی گولیاں نگلنی پڑیں گی‘ احسن اقبال
-
آئین کی بالادستی سے ہی ملک آگے بڑھے گا، عوام کو اپنے نمائندے منتخب کرنے کا اختیار ہونا چاہیے، چیئرمین سینیٹ
-
وزیراعظم اور امیر کویت کے درمیان ملاقات
-
پاکستان میں غیر معیاری ادویات کا مسئلہ
-
ہمارے مسالے مضر صحت نہیں، بھارتی کمپنی ایم ڈی ایچ
-
کیا انتظامی عہدے کیلئے حکمران خاندان سے ہونا ہی واحد شرط ہے؟
-
غزہ میں جنگ بندی کی کوششوں میں تیزی
-
مولانا فضل الرحمان نے آئندہ لائحہ عمل کے اعلان کی تاریخ دیدی
-
وزیراعظم محمد شہبازشریف سے آئی ایم ایف کی منیجنگ ڈائریکٹر کرسٹالینا جارجیوا کی ملاقات ، گزشتہ سال اسٹینڈ بائے ارینجمینٹ کے حوالے سے وزیراعظم کے قائدانہ کردار کی تعریف
-
وزیراعظم کی سعودی حکام سے ملاقاتوں میں پاکستان میں مزید سرمایہ کاری پر اتفاق
-
دبئی ایئر پورٹ کا اگلے دس سال میں المکتوم ایئرپورٹ منتقلی کا منصوبہ تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.