آئندہ 24گھنٹوں کے دوران موسم خشک اور گرم مرطوب رہے گا‘ محکمہ موسمیات

اسلام آباد ۔ 7 اکتوبر (اُردو پوائنٹ اخبارتازہ ترین - اے پی پی۔۔07 اکتوبر۔2016ء) محکمہ موسمیات نے کہا ہے کہ آئندہ 24گھنٹوں کے دوران موسم خشک اور گرم مرطوب رہے گا،محکمہ موسمیات کے مطابق آئندہ 24گھنٹوں کے دوران ملک کے بیشتر علاقوں میں دن کے دوران موسم گرم اور خشک رہے گا تاہم مالاکنڈ، ہزارہ، پشاور مردان، کوہاٹ، راولپنڈی، سرگودھا ڈویڑن، بالائی فاٹا، کشمیر اور گلگت بلتستان میں چند مقامات پر تیز ہواوں اور گرج چمک کیساتھ بارش کا امکان ہے۔

(جاری ہے)

گزشتہ 24 گھنٹوں کے دوران فیصل آباد، مالاکنڈ، ہزارہ ڈویژن، گلگت بلتستان اور کشمیر میں چند مقامات پر تیز ہواوں اور گرج چمک کیساتھ بارش ہوئی تاہم ملک کے دیگر علاقوں میں موسم خشک اور گرم مرطوب رہا، سب سے زیادہ بارش پنجاب: فیصل آباد24ملی میٹر، نورپورتھل01ملی میٹر، خیبرپختونخوا: مالم جبہ11ملی میٹر، پٹن10ملی میٹر،سیدوشریف06ملی میٹر، کالام05ملی میٹر، دروش03ملی میٹر، لوئردیر02ملی میٹر، بالاکوٹ01ملی میٹر، کشمیر: گڑھی دوپٹہ01ملی میٹر، مظفرآباد01ملی میٹر، گلگت بلتستان: گوپس01ملی میٹر ریکارڈ کی گئی،سب سے ذیادہ درجہ حرارت حیدرآباد میں39 ڈگری سینٹی گریڈ اور سب سے کم درجہ حرارت سکردو میں24ڈگری سینٹی گریڈریکارڈ کیا گیا۔