دھند اور شدید سردی میں شاہراہوں پر حادثات سے بچائو کیلئے ہدایات جاری

رحیم یارخان۔8 نومبر(اُردو پوائنٹ اخبارتازہ ترین - اے پی پی۔ 08 نومبر2016ء)ڈسٹرکٹ ایمرجنسی آفیسر رحیم یارخان ڈاکٹر عبدالستار بابرنے دھند اور شدید سردی کے موسم میں شاہراہوں پر ہونے والے خطرناک حادثات سے بچائو کے لیے ریسکیورز ، ڈرائیوروں اور مسافروں کو احتیاطی تدابیر کی ہدایات جاری کردیں ۔انہوں نے کہا کہ گاڑی کی ہیڈ لائٹیں،پچھلی لائٹیں،بریکیں،ٹائر،ونڈ سکرین وائپر،ریڈی ایٹر،بیٹری اور گاڑی کے ہیٹ سسٹم کا معائنہ کرکے گاڑی کو چلائیں۔

(جاری ہے)

گاڑی چلاتے وقت فوگ لائٹیں آن رکھیں،ونڈ سکرین،سائیڈ سکرین اور لائٹیں صاف رکھیںاور ہیڈ لائٹس کے لیے پیلے رنگ کے اسٹیکر کا استعمال کریں۔دھند میں دیکھنے کے لیے ڈی فوگر استعمال کریں۔اگلی گاڑیوںسے مناسب فاصلہ رکھیں،نیشنل ہائی وے اینڈ موٹروے کی تجویز کردہ حدنظر 100میٹرتک 60کلومیٹر فی گھنٹہ سے زیادہ سپیڈ نہ رکھیں،ونڈوز کو نیچے کرکے اور ریڈیو کو بند کرکے ڈرائیونگ کریں،شدید دھند سے گزرتے وقت احتیاط کے ساتھ دوسری گاڑیوں یا ریل گاڑیوں کی آواز سُنیں،دھند کے دوران صاف ستھری سڑکوں کا انتخاب کریں جن کے بارے میں آپ پہلے سے اچھی طرح آگاہ ہوں،سڑک کے درست کنارے پر چلیں،ہائی کی بجائے کم ہیڈ لائیٹس کا استعمال کریںاور تمام اشاروں کو آن کرنے سے گریز کریں۔