ووٹ دینے اور نہ دینے والوں نے جمہوریت کو مضبوط کیا ہے،رانا ثناء اللہ

ملکرکام کرینگے، میئر کو وزیراعلیٰ پنجاب جیسے اختیارات حاصل ہوں گے،صوبائی وزیر

جمعرات 22 دسمبر 2016 21:32

فیصل آباد(اُردو پوائنٹ اخبارتازہ ترین - این این آئی۔ 22 دسمبر2016ء) انتخاب جیتنے کے بعد صوبائی وزیر رانا ثناء اللہ خاں نے کہا ہے کہ ووٹ دینے والوں اور نہ دینے والوں نے جمہوریت کو مضبوط کیا ہے۔ یہ سیاسی سسٹم کی جیت ہے۔ شہر کی ترقی کیلئے مل کر کام کریں گے۔ کون کہتا ہے کہ میئر بے اختیار ہے۔

(جاری ہے)

میئر کو وزیراعلیٰ پنجاب جیسے اختیارات حاصل ہوں گے۔ ہیلتھ اتھارٹیز سے لے کر فوڈ اتھارٹی تک اور میگا پراجیکٹس سے ہٹ کر تمام ترقیاتی منصوبے ضلعی چیئرمینوں اور میئرز اور بلدیاتی نمائندوں کی زیرنگرانی مکمل ہوں گے۔ انہوں نے کہا پی ٹی آئی کو ہمیشہ جلوسوں کیلئے سیکورٹی دی تاہم فساد کی اجازت نہیں دیں گے۔ پر امن احتجاج پر سیکورٹی اور شہر لاک ڈاؤن کرنے پر ڈنڈے ہی دے سکتے ہیں۔