آئندہ 24 گھنٹوں کے دوران ملک کے بیشتر علاقوں میں موسم گرم اور خشک رہے گا‘محکمہ موسمیات

اسلام آباد ۔ (اُردو پوائنٹ اخبارتازہ ترین - اے پی پی۔ 14 اگست2017ء) آئندہ 24 گھنٹوں کے دوران ملک کے بیشتر علاقوں میں موسم گرم اور خشک رہے گا تاہم مالاکنڈ، ہزارہ ڈویژن، گلگت بلتستان، کشمیر اور اس سے ملحقہ پہاڑی علاقوں میں بعض مقامات پر گرج چمک کے ساتھ بارش کا امکان ہے۔ محکمہ موسمیات کے مطابق آئندہ 48گھنٹوں کے دوران ملک کے بیشتر علاقوں میں موسم گرم اور خشک رہے گا تاہم مالاکنڈ ڈویژن اور گلگت بلتستان میں بعض مقامات پر گرج چمک کے ساتھ بارش کا امکان ہے۔

گزشتہ 24 گھنٹوں کے دوران پنجاب، اسلام آباد، خیبرپختونخوا، بارخان، کشمیر اور گلگت بلتستان میں کہیں کہیں تیز ہوائوں اور گرج چمک کے ساتھ بارش ہوئی۔ ملک کے دیگر علاقوں میں موسم گرم ور مرطوب رہا۔ سب سیزیادہ بارش پنجاب: میانوالی91، منڈی بہائوالدین54، نور پور تھل45، لیہ 42، شورکوٹ40، چکوال38، گوجرانوالہ37، ٹوبہ ٹیک سنگھ34، جھنگ30، جوہرآباد28، سرگودھا27، سیالکوٹ 26، فیصل آباد، گجرات 25، منگلہ18، جہلم15، لاہور09، راولپنڈی(چکلالہ 08،شمس آباد05)، اسلام آباد( سیدپور،گولڑہ 08، زیروپوائنٹ 05، بوکڑہ 06)، ڈی جی خان 07، مری06، کامرہ02، کوٹ ادو،بھکر، اوکاڑہ 02، خیبرپختونخوا: کوہاٹ27 ، مالم جبہ21، بنوں19، چراٹ،کالام 04، بالاکوٹ03، میرکھانی، دروش02، کاکول01، کشمیر: کوٹلی18، راولاکوٹ12، مظفرآباد05، گڑھی دوپٹہ03، گلگت بلتستان: گوپس10، ہنزہ03، چلاس، استور01، اور بلوچستان بارکھان میں 05 ملی میٹر ریکارڈ کی گئی۔

(جاری ہے)

پیر کو گرم ترین مقامات کے درجہ حرارت دادو 42، تربت، شہید بینظیرآباد میں 41 ڈگری سینٹی گریڈ ریکارڈ کیا گیا۔