ٹرمپ نے پاکستان کو میلی نظروں سے دیکھا تو پاک فوج اور22 کروڑ مسلمان تاریخی ذلت و رسوائی سے دوچار کردینگے ،شمالی وزیرستان اور بعض دیگر شورش زدہ علاقوں میں سکولوں اور کالجوں کی بحالی کے باوجود دینی مدارس اوردرسگاہوں کی بحالی کو معطل رکھنا حکمرانوں کی دین کے ساتھ امتیازی سلوک کا کھلا ثبوت ہے ،وہ بیرونی دشمنوں کے دباؤ پر غیرت و حمیت اوراپنے دینی روایات سے دستبردار ہوسکتے ہیں
جمعیت علمااسلام(س ) کے سربراہ اور دفاع پاکستان کونسل کے چیئرمین مولانا سمیع الحق کا بنوں میں تحفظ مدارس و استحکام پاکستان سے خطاب
جمعرات 21 ستمبر 2017 22:10
(جاری ہے)
انہوں نے پاکستان کے بارہ میں امریکی صدر ٹرمپ کی حالیہ دھمکی آمیز پالیسیوں کی مذمت کی اور اس پر افسوس کا اظہار کیا کہ نہ انہوں نے افغانستان میں روس سے سبق لیا نہ وسائل بے سہارا طالبان کے ہاتھوں خفت آمیز شکست سے عبرت پکڑی۔
اگر ٹرمپ نے پاکستان کو میلی نظروں سے دیکھا تو پاکستان کی فوج اور22 کروڑ مسلمان انہیں تاریخی ذلت و رسوائی سے دوچار کریں گے۔ اس سے قبل بنوں جاتے ہوئے راستہ میں چندہ خورم کے مقام پر مدرسہ درالارقم کے علماء طلبا نے مولانا مقصود گل کی قیادت میں شاندار استقبال کیا۔مختصر خطاب کے بعد قائد جمعیت کرک روانہ ہوگئے ، کرکٹ ٹول پلازہ پر کثیر تعداد میں علماء اور کارکنوں نے استقبال کیا اور گاڑیوں کے جلوس میں کرک بازار لے جایا گیا جہاں جمعیت کے دیرینہ مخلص اور بزرگ رہنما موالنا عبدالوھاب کی وفات پر ان کے صاحبزادگان سے تعزیت کی، اور ضلعی امیر مولانا سبز علی خان کی طرف سے ایک پرتکلف ظہرانے میں شرکت کی۔ کرک سے براستہ سورڈاگ بنوں جاتے ہوئے سورڈاگ میں مولانا نور آزاد حقانی اور مولانا صفی اللہ حقانی کی قیادت میں یہاں کے عوام اور جمعیت کے کارکنوں نے سینکڑوں موٹرسائیکلوں اور گاڑیوں کے جلوس میں قائد محترم کو سورڈ اگ لے جایا گیا جہاں مولانا نور آزاد حقانی کے دادا کی وفات پر ان سے تعزیت کی، اسی طرح بنوں کے علماء اور کارکنوں نے سپین تنگی تھانہ قائد جمیعت کا والہانہ استقبال کیا اور ان پر گلپاشی کی گئی، اور جلسہ گاہ جلوس کی شکل میں پہنچایا گیا۔ ایڈیٹوریم ہال پہلے سے لوگوں سے کھچا کھچ بھرا ہواتھا،بنوں کے تمام بڑے شیوخ اورسرکردہ علماء اسٹیج پر موجود تھے۔ کانفرنس سے قائد جمعیت کے علاوہ جمعیت کے صوبائی سرپرست مولانا عبدالقیوم حقانی، مرکزی نائب امیر مولانا حامد الحق حقانی ، صوبائی امیر مولانا سید یوسف شاہ، اور فاٹا کے امیر مولانا عبدالحئی حقانی ،مفتی اسلام نور حقانی، مولانا نسیم علی شاہ، مفتی عبدالغنی ، مولانا حبیب اللہ حقانی، مولانا سبز علی ،مولانا سیف الدین ،مولانا سید عبدالستار شاہ بخاری، و دیگر نے خطاب کیا۔ اس موقع پر شمالی وزیرستان کے علماء اور مالکان کی جانب سے اپنے علاقہ کے روایتی پگڑی پہنائی گئی،مولانا سمیع الحق نے موجودہ حکمرانوں کی جانب سے پاکستان کے اسلامی تشخص مٹا کر اسے لبرل ازم اور سیکولرازم بنانے کے عزائم کو تفصیل سے بیان کیا اور کہاکہ پاکستان کے آئین کے اسلامی تشخص مٹانے کے عزائم خاک میں ملا دئیے جائیں گے ۔ مولانا سمیع الحق نے میانمار کے مسلمانوں پر شرمناک عزائم پر مسلمانوں حکمرانوں کی بے حسی کا اظہار کرتے ہوئے کہاکہ اس وقت اسلامی ممالک کا میانمار کے حکمرانوں کو فوجی اور عسکری اقدامات کے ذریعہ روکنے کی ضرورت تھی مگر نہ او آئی سی زندہ ہے نہ عرب کا فوجی اتحاد نے اسلامی حمیت کی انگڑائی لی نہ اقوام متحدہ کے کانوں میں جوں تک رینگ سکی۔کانفرنس کے ذریعے میانمارمیں مسلمانوں پر جاری ظلم و تشدد کو فی الفور روکنے کا مطالبہ کیا۔ اور شمالی وزیرستان کے دینی مدارس اور مساجد کی تعمیر نو اور فی الفور بحالی کا مطالبہ کیا،ایک قرارداد میں صوبائی حکومت کے علماء کے بارے میں نیک عزائم کے اعلان کا خیرمقدم کیا گیا،لیکن اس شرط پر کہ حکومت یہ گارنٹی دے کہ وہ مساجد میں مداخلت نہیں کریں گے ،ہم مساجد اور مدارس کی آزادی کو کبھی سلب نہیں کرنے دیں گے ۔ جلسہ کے بعد مولانا سمیع الحق نے جمعیت کے بزرگ شخصیت علاقہ کے معروف روحانی پیشوا مولانا شیخ نور احمد شاہ کے گاؤں شاہ دیو خار جاکر ان کی عیادت کی اوران کی صحت یابی کے لئے دعا کی گئی۔ اسی طرح جمعیت کے ضلعی جنرل سیکرٹری مولانا شفقت اللہ حقانی کے گھر جاکر ان کے والد کی وفات پر ان سے تعزیت کی۔مزید قومی خبریں
-
وفاقی وزیرداخلہ کا اسلام آباد میں امن عامہ کو بہتر بنانے ،جرائم پیشہ ،کا منشیات کی خرید و فروخت میں ملوث گینگز کے خلاف بھرپور کریک ڈاؤن کا حکم
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.