موسم کی تبدیلی کے ساتھ ہی سردی کی شدت میں مزید اضافہ ہو گیا

سرگودھا(اُردو پوائنٹ اخبارتازہ ترین - این این آئی۔ 13 نومبر2017ء) موسم کی تبدیلی کے ساتھ ہی سردی کی شدت میں مزید اضافہ ہو گیا ۔ذرائع کے مطابق سرگودھا سمیت مختلف علاقوں میں سرد ہوا کے ساتھ ساتھ شدید دھند کا سلسلہ زور پڑ گیا جس سے لوگوں کو پریشان مشکلات کا سامنا کرنا پڑ رہا ہے۔یہاں سردی کے ساتھ ہی کوئلے اور انڈوں کی قیمت میں اضافہ ہوگیا۔انڈا 140 سے 145 روپے درجن فروخت ہونے لگا۔

(جاری ہے)

دھند کے باعث چنیوٹ جھنگ روڈ پردو مختلف حادثات میں ایک شخص جاں بحق تین افراد زخمی ہو گئے جن کو ہسپتال بجھوا دیا گیا . ذرائع کے مطابق ایک حادثہ میں دوٹرک ٹکرا گے جبکہ دوسر ے حادثہ میں ٹرک نے رکشہ کو ٹکر مار دی ۔ سرگودھا بھکر روڈ پر آدھی سرگل کے قریب دھند کے باعث مسافر کوچ اور ٹرک کے تصادم میں متعدد مسافر زخمی ہوگئے۔ ذرائع کے مطابق مسافر گاڑی سرگودھا سے بھکر جا رہی تھی کے حادثے کا شکار ہوئی ۔ زخمیوں کو ہسپتال منتقل کر دیا گیا۔ سرگودھا سلانوالی روڈ پر دھند کی وجہ سی2 موٹر سائیکلوں میں تصادم ،تین افراد شدید زخمی ہو گئے جن کو ہسپتال منتقل کر دیا گیا۔