پشاور ہائیکورٹ کا سانحہ آرمی پبلک اسکول کی پولیس رپورٹ عام کرنے کا حکم ،ْکیس نمٹا دیا

جوڈیشل کمیشن بنانا ہائیکورٹ کا اختیار نہیں ،ْ صوبائی حکومت کا اختیار ہے ،ْ درخواست اسے بھیج دیتے ہیں ،ْ چیف جسٹس یحییٰ آفریدی

جمعرات 8 فروری 2018 21:49

پشاور ہائیکورٹ کا سانحہ آرمی پبلک اسکول کی پولیس رپورٹ عام کرنے کا ..

پشاور (اُردو پوائنٹ اخبارتازہ ترین - این این آئی۔ 08 فروری2018ء) پشاور ہائی کورٹ نے سانحہ آرمی پبلک اسکول کی پولیس رپورٹ عام کرنے کا حکم دیتے ہوئے کیس کو نمٹا دیا۔ جمعرات کو پشاور ہائی کورٹ میں سانحہ آرمی پبلک کیس کی سماعت چیف جسٹس یحییٰ آفریدی اور جسٹس افسر شاہ نے کی ۔محکمہ انسداد دہشتگردی حکام نے عدالت میں انکوائری رپورٹ جمع کرادی گئی جس پر عدالت نے حکم جاری کیا کہ عوام انکوائری کے بارے میں جاننا چاہتی ہے اس لیے رپورٹ عام کردی جائے ۔

(جاری ہے)

سانحہ آرمی پبلک کے خلاف شہداء فورم نے درخواست دائر کی تھی جس میں جوڈیشل کمیشن بنانیاور تحقیقاتی رپورٹ عام کرنے کی درخواست کی تھی ۔سماعت کے دوران چیف جسٹس پشاور ہائیکورٹ نے کہا کہ جوڈیشل کمیشن بنانا ہائیکورٹ کا اختیار نہیں بلکہ صوبائی حکومت کا اختیار ہے اس لیے وہ یہ درخواست اسے بھیج دیتے ہیں۔یاد رہے کہ 16 دسمبر 2014 کو پشاور کے ا?رمی پبلک اسکول پر دہشت گردوں کے حملے میں 130 سے زائد طلباء سمیت 144 افراد شہید ہوئے گئے تھے۔