پنگریو میں برائلر مرغی کے گوشت کی قیمت میں 100روپے فی کلو کم

فی کلوقیمت 250 روپے سے گھٹ کر150 روپے ہوگئی، قیمت کی کمی کی وجہ سے مرغی کے گوشت کی دکانوں پر زبردست رش

منگل 27 فروری 2018 16:00

پنگریو(اُردو پوائنٹ اخبارتازہ ترین - آن لائن۔ 27 فروری2018ء)پنگریو میں برائلر مرغی کے گوشت کی قیمت میں 100روپے فی کلو کم ہوگئی ہے ، جس کے بعد فی کلوقیمت 250 روپے سے گھٹ کر150 روپے ہوگئی ہے ۔

(جاری ہے)

قیمت کی کمی کی وجہ سے مرغی کے گوشت کی دکانوں پر زبردست رش دیکھاجارہاہے ہے اور لوگ چکن کے حصول کے لیے امڈ پڑے ہیں پنگریو اور زیریں سندھ کے علاقوں میں سبزیوں کی قیمت میں زبردست اضافے کے باعث عوام یہ مہنگی سبزیاں استعمال کر کرکے عاجز آچکے تھے برائلر مرغی کے گوشت کی قیمت میں ایک ہی روز میں سو روپے فی کلو کمی کا اعلان سنتے ہی شہریوں کی بڑی تعداد نے مرغی کا گوشت خریدا بتایا جاتا ہے برائلر مرغی میں مہلک مرض پیدا ہونے کے خدشے اور چکن کی رسد وطلب میں ہونے والے فرق کے باعث برائلر کے گوشت کی قیمت میں زبردست کمی ہوئی ہے اور اس قیمت میں مزید کمی کا امکان ظاہر کیا جا رہا ہے گوشت کے ساتھ ساتھ زندہ برائلر کی قیمت میں بھی واضح کمی ہوئی ہے جس کی وجہ سے پولٹری فارمرز شدید پریشانی اور مشکلات کا شکار ہو گئے ہیں کیونکہ انہیں برائلر کی قیمت کم ہونے کے باعث شدید معاشی نقصان پہنچا ہے اس حوالے سے فارمرز نے بتایا کہ پولٹری فارمنگ کے شعبے میں کوئی مستقل پالیسی نہیں بنائی گئی پولٹری فارمنگ کا کاروبارمکمل طور پر ارب پتی سیٹھوں اور کنٹرول شیڈ مالکان کے ہاتھ میں ہے انہیں جب چوزوں کی ضرورت ہوتی ہے وہ مرغی کے ریٹ کم کر دیتے ہیں اور پھر بڑھا دیتے ہیں اس غیر یقینی صورتحال کے باعث چھوٹے فارمرز معاشی بد حالی کا شکار ہو گئے ہیں اگر فارمنگ کے شعبے کے لیے مستقل پالیسی بنا دی جائے تو عوام اور چھوٹے فارمرز دونوں کوفائدہ ہوگا اور پولٹری فارمنگ کا شعبہ جس سے ہزاروں خاندانوں کا روزگار وابستہ ہے بھی دوبارہ عروج پکڑ لے گا.۔

Facebook Twitter Google + Share on Whatsapp

پنگریو میں برائلر مرغی کے گوشت کی قیمت میں 100روپے فی کلو کم

فی کلوقیمت 250 روپے سے گھٹ کر150 روپے ہوگئی، قیمت کی کمی کی وجہ سے مرغی کے گوشت کی دکانوں پر زبردست رش

مزید اہم خبریں