Live Updates

پاکستان نے دنیا میں سفارتی سطح پر بھی بھارت کیخلاف بیانیئے کی جنگ جیت لی ہے

پاکستان سچ کے ساتھ اور بھارت جھوٹ کے ساتھ کھڑا ہے، بھارت کو دنیا بھر میں ناکامی ہوئی، بھارت کو سندھو پر کسی بھی صورت ڈاکا نہیں مارنے دیں گے، چیئرمین پیپلزپارٹی بلاول بھٹو

ثنااللہ ناگرہ جمعہ 20 جون 2025 23:29

پاکستان نے دنیا میں سفارتی سطح پر بھی بھارت کیخلاف بیانیئے کی جنگ جیت ..

کراچی ( اردوپوائنٹ اخبار تازہ ترین۔ آئی پی اے ۔ 20 جون 2025ء ) چیئرمین پیپلزپارٹی بلاول بھٹو نے کہا ہے کہ بھارت کو سندھو پر کسی بھی صورت ڈاکا نہیں مارنے دیں گے، دنیا بھر میں پاکستان، کشمیر اور سندھوکا پیغام لے کر گیا تھا۔ انہوں نے کراچی ایئرپورٹ استقبالیہ کے شرکاء سے خطاب کرتے ہوئے کہا کہ پاکستان سچ کے ساتھ اور بھارت جھوٹ کے ساتھ کھڑا ہے، بھارت کو دنیا بھر میں ناکامی ہوئی، پاکستان نے سفارتی سطح پر بھی جنگ جیت لی، بھارت کیخلاف عظیم کامیابی پر فخر ہے۔

بلاول بھٹو نے کہا کہ افواج پاکستان نے بھارت کو عبرتناک شکست دی، جنگ میں شکست کے بعد بھارت کی کوشش تھی کہ پاکستان کو دنیا میں بیانیہ میں شکست دے۔ لیکن دنیا میں بھارت کا بیانیہ بھی ہار گیا، پاکستان نے سفارتی سطح پر بھی بھارت سے جنگ جیت لی ہے۔

(جاری ہے)

جنگ میں افواج پاکستان نے بھارت کے 6 جہاز مار گرائے، بھارت ایک مہینے بعد مانا کہ ان کے جہاز گرے ہیں، بھارت نے پاکستان پردہشتگردی کا جھوٹا الزام لگا کر نہتے شہریوں کو شہید کیا، بھارت سمجھ رہا تھا بانی پی ٹی آئی دور کی طرح اب بھی پاکستان خاموش رہے گا، لیک یہ بھارت کی بھول تھی، پورے پاکستان نے متحد ہوکر ہر محاذ پر منہ توڑ جواب دیا۔

دوسری جانب وزیراعظم پاکستان میاں شہبازشریف اور امریکی وزیرخارجہ سے ٹیلیفونک رابطہ ہوا ہے، جس میں وزیراعظم نے امریکی صدر ٹرمپ کیلئے نیک خواہشات کا اظہار کیا ہے۔ میڈیا کے مطابق وزیراعظم شہبازشریف نے امریکی وزیرخارجہ سے گفتگو کرتے ہوئے کہا کہ پاکستان مشرق وسطیٰ میں قیام امن کیلئے تعمیری کردارادا کرنے کو تیار ہے، پاکستان بھارت کے ساتھ کشمیر سمیت تمام مسائل پر مذاکرات کا خواہاں ہے، پاک بھارت جنگ کے خطرے کو ٹالنے میں امریکی کردار کو سرہاتے ہیں۔

امریکی صدر ٹرمپ کے پاکستان سے متعلق حالیہ مثبت بیانات حوصلہ افزا ہیں۔ کے بیان سے پاکستان کی جنوبی ایشیا میں حوصلہ افزائی ہوئی۔ وزیراعظم نے ایران اور اسرائیل کشیدگی کے پرامن حل پر بھی زور دیا۔ وزیراعظم نے کہا کہ پاکستان مشرق وسطیٰ میں قیام امن کیلئے تعمیری کردار ادا کرنے کو تیار ہے۔ وزیراعظم نے امریکا کے ساتھ تجارتی تعلقات ، سرمایہ کاری، توانائی، آئی ٹی اور معدنیات سے متعلق تعاون بڑھانے پر زور دیا۔

وزیراعظم نے گفتگو کے دوران دہشتگرد گروہوں کیخلاف مؤثر کارروائی کا بھی ذکر کیا۔ اس پر امریکی وزیر خارجہ نے کہا کہ پاکستان کی انسداد دہشتگردی کی کوششوں کو سراہتے ہیں۔ وزیراعظم شہبازشریف نے صدر ٹرمپ اور فیلڈ مارشل سیدعاصم منیر کے درمیان ملاقات کو مثبت پیشرفت قرار دیا۔