فیلڈ مارشل عاصم منیرکی وائٹ ہاؤس میں دعوت تائید ہے کہ بھارت جنگ ہارچکا ہے

کراچی ( اردوپوائنٹ اخبار تازہ ترین۔ آئی پی اے ۔ 20 جون 2025ء ) چیئرمین پیپلزپارٹی بلاول بھٹو نے کہا ہے کہ فیلڈ مارشل عاصم منیرکی وائٹ ہاؤس میں دعوت تائید ہے کہ بھارت جنگ ہارچکا ہے، بھارت بتائے کہ شکست خوردہ قوم کے فیلڈ مارشل کوبھی بھلا دعوت دی جاتی ہے؟ امریکا اور یورپ کے کامیاب سفارتی دورے کے بعد وطن واپسی پر کراچی ایئرپورٹ استقبالیہ کے شرکاء سے خطاب کرتے ہوئے انہوں نے کہا کہ امریکی صدر نے فیلڈ مارشل عاصم منیر کے اعزاز میں ظہرانہ دیا، فیلڈ مارشل عاصم منیرکی وائٹ ہاؤس میں صدر ٹرمپ سے ملاقات ہوئی، بھارت پاکستان کو ٹیررستان کہتا ہے لیکن ٹرمپ نے فیلڈ مارشل سے ملاقات کی۔

بھارت پاکستان پر الزام لگاتا ہے لیکن دعوت فیلڈ مارشل عاصم منیر کو دی گئی۔ فیلڈ مارشل عاصم منیر کیلئے وائٹ ہاؤس میں ظہرانہ بھارت کی ناکامی ہے، بھارت بتائے کہ شکست خوردہ قوم کے فیلڈ مارشل کو دعوت دی جاتی ہے؟اس دعوت دینے کا کیا مطلب ہے؟ فیلڈ مارشل عاصم منیرکی وائٹ ہاؤس میں دعوت تائید ہے کہ بھارت جنگ ہارچکا ہے۔

(جاری ہے)

فیلڈ مارشل عاصم منیرکو وائٹ ہاؤس میں جنگ جیتنے کی مبارکباد دینے کیلئے دعوت دی گئی۔

بلاول بھٹو نے کہا کہ پاکستان سچ کے ساتھ اور بھارت جھوٹ کے ساتھ کھڑا ہے، بھارت کو دنیا بھر میں ناکامی ہوئی، پاکستان نے سفارتی سطح پر بھی جنگ جیت لی، بھارت کیخلاف عظیم کامیابی پر فخر ہے۔ بلاول بھٹو نے کہا کہ افواج پاکستان نے بھارت کو عبرتناک شکست دی، جنگ میں شکست کے بعد بھارت کی کوشش تھی کہ پاکستان کو دنیا میں بیانیہ میں شکست دے۔

لیکن دنیا میں بھارت کا بیانیہ بھی ہار گیا، پاکستان نے سفارتی سطح پر بھی بھارت سے جنگ جیت لی ہے۔ جنگ میں افواج پاکستان نے بھارت کے 6 جہاز مار گرائے، بھارت ایک مہینے بعد مانا کہ ان کے جہاز گرے ہیں، بھارت نے پاکستان پردہشتگردی کا جھوٹا الزام لگا کر نہتے شہریوں کو شہید کیا، بھارت سمجھ رہا تھا بانی پی ٹی آئی دور کی طرح اب بھی پاکستان خاموش رہے گا، لیک یہ بھارت کی بھول تھی، پورے پاکستان نے متحد ہوکر ہر محاذ پر منہ توڑ جواب دیا۔

دوسری جانب وزیراعظم پاکستان میاں شہبازشریف اور امریکی وزیرخارجہ سے ٹیلیفونک رابطہ ہوا ہے، جس میں وزیراعظم نے امریکی صدر ٹرمپ کیلئے نیک خواہشات کا اظہار کیا ہے۔ میڈیا کے مطابق وزیراعظم شہبازشریف نے امریکی وزیرخارجہ سے گفتگو کرتے ہوئے کہا کہ پاکستان مشرق وسطیٰ میں قیام امن کیلئے تعمیری کردارادا کرنے کو تیار ہے، پاکستان بھارت کے ساتھ کشمیر سمیت تمام مسائل پر مذاکرات کا خواہاں ہے، پاک بھارت جنگ کے خطرے کو ٹالنے میں امریکی کردار کو سرہاتے ہیں۔

امریکی صدر ٹرمپ کے پاکستان سے متعلق حالیہ مثبت بیانات حوصلہ افزا ہیں۔ ان کے بیان سے پاکستان کی جنوبی ایشیا میں حوصلہ افزائی ہوئی۔ وزیراعظم نے ایران اور اسرائیل کشیدگی کے پرامن حل پر بھی زور دیا۔ وزیراعظم نے کہا کہ پاکستان مشرق وسطیٰ میں قیام امن کیلئے تعمیری کردار ادا کرنے کو تیار ہے۔ وزیراعظم نے امریکا کے ساتھ تجارتی تعلقات ، سرمایہ کاری، توانائی، آئی ٹی اور معدنیات سے متعلق تعاون بڑھانے پر زور دیا۔

وزیراعظم نے گفتگو کے دوران دہشتگرد گروہوں کیخلاف مؤثر کارروائی کا بھی ذکر کیا۔ اس پر امریکی وزیر خارجہ نے کہا کہ پاکستان کی انسداد دہشتگردی کی کوششوں کو سراہتے ہیں۔ وزیراعظم شہبازشریف نے صدر ٹرمپ اور فیلڈ مارشل سیدعاصم منیر کے درمیان ملاقات کو مثبت پیشرفت قرار دیا۔