چونیاں، چار افراد لڑکی اغوا کرکے ہزاروں روپے کی نقدی رقم ، سونے کے زیورات اور دیگر سامان لے گئے

پیر 16 اپریل 2018 16:35

چونیاں (اُردو پوائنٹ اخبارتازہ ترین - این این آئی۔ 16 اپریل2018ء) تحصیل پتوکی کے نواحی گائوں بگھیانہ میں چار افراد نے لڑکی کو اغوا کر لیا ۔ملزمان ہزاروں روپے کی نقدی رقم ، سونے کے زیورات اور دیگر سامان بھی لے گئے ۔

(جاری ہے)

تفصیلا ت کے مطابق خلیل احمد کام کے سلسلہ میں گھر سے باہر گیا ہوا تھا اور اس کی بیٹی صائمہ بی بی گھر میں اکیلی تھی اس دوران ملزمان ساجد وٹو، جاجو وٹو، جاوید وٹو، حنیفاں بی بی کے ہمراہ گھر میں آئے ۔

صائمہ بی بی کو ورغلایا اور ساتھ اغوا کر کے لے گئے ۔ملزمان گھر سے چار تولے سونے کے زیورات ،تیس ہزار روپے کی نقدی رقم او رپندرہ نئے سوٹ بھی ساتھ لے گئے پولیس نے لڑکی کے والد خلیل احمد کی تحریری درخواست پر ساجد وٹو سمیت چار ملزما ن کے خلا ف مقدمہ درج کر کے تفتیش شروع کر دی ہے ۔