ڈونلڈ ٹرمپ افغانستان کی تاریخ نہیں سمجھ رہے،افغانستان کے مسئلے کا حل صرف مذاکرات ہیں ،ْعمران خان

امریکی جنگ میں شرکت کے باعث کرکٹ ٹیموں نے پاکستان آنا چھوڑ دیا ،ْ ٹرمپ بھی پاکستان سے متعلق وہی کہہ رہے ہیں جو بھارت کہہ رہا ہے ،ْ انٹرویو

پیر اپریل 16:30

اسلام آباد (اُردو پوائنٹ اخبارتازہ ترین۔ 16 اپریل2018ء) پاکستان تحریک انصاف کے چیئرمین عمران خان نے کہا ہے کہ ڈونلڈ ٹرمپ افغانستان کی تاریخ نہیں سمجھ رہے،افغانستان کے مسئلے کا حل صرف مذاکرات ہیں۔

(جاری ہے)

پاکستان تحریک انصاف کے چیئرمین عمران خان نے روسی ٹی وی کو انٹرویو دیتے ہوئے کہا کہ امریکہ پاکستان کو ٹشو پیپر کی طرح استعمال کرتا ہے، پاکستان کو معاشی بحران کا سامنا ہے، افغانستان میں امن پاکستان کے حق میں ہے، امریکہ جنگ کے ذریعے افغانستان کے مسئلے کا حل چاہتا ہے،امریکہ کی جنگ میں شرکت سے ہمارابڑا نقصان ہوا ہے۔

انہوں نے کہا کہ ڈونلڈ ٹرمپ افغانستان کی تاریخ سمجھ نہیں پا رہا، افغانستان کا مسئلہ فوجی طاقت سے حل کرنے کا فارمولا ناکام ہو گیا، افغانستان کے مسئلے کا حل صرف مذاکرات ہیں، امریکہ جو امداد دیتا ہے وہ ہمارے نقصان کے سامنے کچھ بھی نہیں، امریکی جنگ میں شرکت کے باعث کرکٹ ٹیموں نے پاکستان آنا چھوڑ دیا، ٹرمپ بھی پاکستان سے متعلق وہی کہہ رہے ہیں جو بھارت کہہ رہا ہے۔