این بی پی پاکستان میں ہاؤسنگ سیکٹر فنانس کی ترقی میں اہم کردار ادا کر رہا ہے،صدرو سی ای او سعید احمد

کراچی(اُردو پوائنٹ اخبارتازہ ترین۔ 16 اپریل2018ء) نیشنل بینک آف پاکستان کے صدر اور سی ای او سعید احمد نے اس بات کی توثیق کی کہ پاکستان میں ہاؤسنگ سیکٹر فنانس کی ترقی میں این بی پی اہم کردار ادا کر رہا ہے۔ وہ ایک مقامی ہوٹل میں’’پاکستان موریگج ری فنانس کمپنی ‘‘( PMRC ) کے شیئر ہولڈرز کے دستخط کرنے کی تقریب سے 14 اپریل بروز ہفتہ کے خطاب کررہے تھے اپنی اس تقریر مین سعید احمد نے کہا ہے کہ کم آمدنی والے طبقے میں مناسب رہائش نہ ہونے سے سنجیدہ قسم کے معاشرتی ، معاشی اور غیر قانونی عوامل جیسے مسائل پیدا ہو سکتے ہیں۔

-90% 80 فیصد کم آمدنی والے طبقے کے لئے ملک میں 10 ملین ہاؤسنگ یونٹس کی قلت کا تخمینہ لگایا گیا ہے جس کے لئے سستی ہاؤسنگ اسکیم کی اشد ضرورت تھی۔ انہوں نے ایک واقعہ کا ذکر کیا جب وہ اندرون ملک سڑک پر کسی سفر پررواں دواں تھے انہوں نے اپنی گاڑی ایک ایسی جگہ روکی جہاں ایک خاندان ایک کچی آبادی میں رہتا تھا ، دوران گفتگو گھر کے سربراہ نے بتایا ہے کہ وہ گھروں کی تعمیرات کا کام کرتا ہے مگر خود اپنے کنبے کے لئے گھر نہیں بنا سکا ۔

(جاری ہے)

جناب احمد نے کہا ہے کہ واقعے نے ان پر گہرا اثر چھوڑا اور انہوں نے دل سے خواہش کی کہ غریبوں کے لئے گھروں کی فراہمی کے لئے حقیقی کوشش کی جائے۔ انہوں نے کہا ہے کہ رہائش کی قلت کو دور کرنے کے لئے کچھ ہٹ کر سوچنا ہو گا اور اتھارٹیز کو اس سلسلے میں سنجیدہ اقدام کرنے ہونگے اور رہائش سے متعلق بنیاد ے ڈھانچہ کو فعال بنانے کی ضرورت ہے ان کے رہائش سے متعلق مسائل کا حل دے سکے۔

انہوں نے مزید کہا ہے کہ پی ایم آر سی آغاز اسی سلسلے میں ایک اہم اقدام ہے ، لیکن مزید عمارتوں کی تعمیر کی ضرورت ہے اور شعبہ تعمیرات کو باقاعدہ کی شکل میں کم لاگت والی رہائش فراہمی کے لئے قانونی اور قوائد کی پچید گیوں کو ختم کرنے کے لئے اہم اقدامات کی ضرورت ہے یہ اپنے محدود وسائل سے حکومت (وفاقی و صوبائی) کو سبسڈی کی فراہمی کی ضرورت پورا کرے گا ۔

انہوں نے رحمت حسنی کے چیئر مین شپ میں اور این ککلارہ پین جو کہ پی ایم آر سی کے سی ای او ہیں کی میجمنٹ ، محمد سلیم (سی اہ او) اور ذوالفقار عالم (سی ایف اور سیکرٹری ) کی کاوشوں کو بھی سراہا ۔ انہوں نے کہا ہے کہ شروع سے ہی اس فلسفہ نے میری رہنما ئی کی کہ ’’درست کام کے لئے درست شخص‘‘ ہونا چاہئے۔ اسی وجہ سے ایک انتہائی تجربہ کار اور پیشہ ورمنیجمنٹ ٹیم کو منتخب کیا گیا ہے جو بہتر انداز میں کمپنی کے بہتر مستقبل کے لئے کام بھی کریں گے ۔