![UrduPoint](https://photo-cdn.urdupoint.com/daily/images/Logos/up-logo-mobile-ur.png)
سپریم کورٹ نے وفا قی وزیر دانیال عزیز کے خلاف توہین عدالت کیس میں نجی ٹی وی کے پروڈیوسر کاشف جبار کو طلب کرنے کی اجازت دیدی ،
پیمرا ڈائریکٹر کو دوبارہ طلب کر نے کی استدعا مسترد
پیر 16 اپریل 2018 21:10
![سپریم کورٹ نے وفا قی وزیر دانیال عزیز کے خلاف توہین عدالت کیس میں نجی ..](https://photo-cdn.urdupoint.com/show_img_new/daily/todayNewsLive/2017/800x400/pic_52e4d_1506951899.jpg._2)
(جاری ہے)
جسٹس شیخ عظمت سعید کی سربراہی میں تین رکنی بنچ نے تو ہین عدالت کیس کی سماعت کی تو وفا قی وزیر دانیال عزیز کے وکیل علی رضا نے کہا کہ دو گواہان کی طلبی کے لئے درخواست دی ہے، ایک پیمرا کے ڈائریکٹر مانیٹرنگ حا جی آدم ہیں جو کہ استغا ثہ کی جانب سے بطور گواہ پیش ہو چکے ہیں جبکہ دوسرے ڈان ٹی وی کے پروڈیوسر ہیں جنہوں نے دانیال عزیز کا کلپ اپنے پروگرام میں نشر کیا تھا ۔
جسٹس شیخ عظمت سعید نے کہا کہ ان میں سے ایک گواہ پیمرا کے ڈائریکٹر تو پہلے ہی پیش ہو چکے ہے ۔فا ضل وکیل علی رضا نے عدالت کو بتایا کہ گواہ نے وہ مواد پیش نہیں کیا جو ہمیں درکار ہے ۔جسٹس شیخ عظمت سعید نے کہا کہ بار بار ایک گواہ کو بلانے سے وقت ضائع ہوگا، آپ گواہ سے مواد منگوا بھی سکتے تھے ۔ایڈوکیٹ علی رضا نے کہا کہ نجی ٹی وی کے کلپ کی تصدیق کروانی ہے ۔ جسٹس شیخ عظمت سعید نے کہا کہ آپ متن کو پہلے ہی تسلیم کر چکے ہیں ۔ فا ضل وکیل نے کہا کہ نجی ٹی وی کا کلپ ایڈیٹ شدہ ہے، جاننا چاہتے ہیں ویڈیو کس نے بنائی اور ایڈٹ کی ۔جسٹس شیخ عظمت سعید نے کہا کہ ویڈیو سے متعلق پیمرا گواہ پر جرح کر چکے ہیں، جو گواہ متعلقہ نہیں انھیں بلا کر کیا کرنا ہے،کیس میںپراسیکیوٹر ایڈیشنل اٹارنی جنرل رانا وقار نے کہا کہ دانیال عزیز کے گواہ غیرمتعلقہ ہیں، عدالت کے سامنے ایڈیٹنگ کا معاملہ نہیں ہے ۔ جسٹس شیخ عظمت سعید نے کہا کہ ففٹی ففٹی کر لیتے ہیں، پیمرا کے گواہ کو نہیں بلاتے اور پروگرام کے پروڈیوسر کاشف جبار کو سمن کر لیتے ہیں ، ایڈیٹنگ کا مطلب ہے کہ کیا کسی اور نے دانیال عزیز کی آواز نکالی، کسی اور کا دانیال عزیز کی آواز نکالنا مشکل لگتا ہے، آپ کو ایڈٹنگ کا مسئلہ ہے تو اصل ویڈیو بھی منگوا لیتے ہیں ،جبکہ اپ کی جانب سے عدالت میں ایک سی ڈی بھی پیش کی گئی ہے اس سی ڈی میں کیا ہی دانیال عزیز کے وکیل نے کہا کہ جاوید ہاشمی کی پریس کانفرنس ہے ۔ جسٹس شیخ عظمت سعید نے پوچھا کہ اس کیس سے کیا تعلق ہے تو فا ضل وکیل نے بتایا کہ جو بات دانیال عزیز نے کہی وہ جاوید ہاشمی نے بہت پہلے کہی تھی جس پر جسٹس شیخ عظمت سعید نے کہا کہ جاوید ہاشمی کی سی ڈی کا کیس سے تعلق نہیں بنتا ۔ اس کے بعدعدالت نے جاوید ہاشمی کا بیان غیرمتعلقہ قرار دے دیا ۔عدالت نے دانیال عزیز کے خلاف توہین عدالت کیس کی مزید سماعت 24 اپریل تک ملتوی کر دی ۔متعلقہ عنوان :
مزید اہم خبریں
-
حکومت جھوٹ بولتی ہے کہ آئی پی پیز سے مذاکرات نہیں ہو سکتے
-
دوبارہ الیکشن کرانے کا مطلب دوبارہ پھر دھندا ہوگا
-
حکومت نے اپنی مراعات میں 25 فیصد اضافہ کیا، فارم 47 والی حکومت عوام دشمن فیصلے کر رہی ہے
-
اب آئی پی پیز کا دھندہ نہیں چلے گا
-
روایت کے مطابق اولمپک کھیلوں کے دوران جنگ و جدل روک دیں، گوتیرش
-
خطرناک سمندری راستوں سے ہجرت کرنے والوں کی ہلاکتوں پر تشویش
-
یورپ میں شراب نوشی دنیا میں سب سے زیادہ، ڈبلیو ایچ او
-
غزہ: پولیو وائرس کی نشاندھی پر ویکسین کی فوری فراہمی کا اعلان
-
سپریم کورٹ کے فیصلے کے بعد سنی اتحاد کونسل کی سیاسی حیثیت تبدیل ،قائد حزب اختلاف کا عہدہ خالی ‘ ملک احمد خان
-
وزیر مملکت برائے آئی ٹی شزہ فاطمہ سے آسٹریلیا کے ہائی کمشنر کی ملاقات ، دوطرفہ دلچسپی کے امور، آئی ٹی و ٹیلی کمیونیکیشن، ڈیجیٹلائزیشن، فائبرائزیشن، سائبر سکیورٹی کے حوالے سے گفتگو کی
-
پولیس پرحملہ کیس، چودھری پرویزالٰہی کے ملازمین کیخلاف کاروائی کا آغاز
-
پی ٹی آئی کا احتجاج اور جماعت اسلامی کا دھرنا،اسلام آباد میں ریڈ زون سیل،دفعہ 144نافذ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.