ملک بھر میں چینی کی قیمتوں میں نمایاں اضافہ، ایک ماہ کے دوران فی کلو 45 روپے تک مہنگی

منگل 21 اکتوبر 2025 19:45

لاہور/راولپنڈی/فیصل آباد(اُردو پوائنٹ اخبارتازہ ترین - این این آئی۔ 21 اکتوبر2025ء) ملک کے مختلف شہروں میں چینی کی قیمتوں میں تیزی سے اضافہ ریکارڈ کیا گیا ہے، صرف ایک ماہ میں فی کلو چینی 5سے 45 روپے تک مہنگی ہوگئی۔راولپنڈی میں چینی کی قیمت 185سے بڑھ کر 190روپے فی کلو ہوگئی، اسلام آباد میں قیمت 180سے بڑھ کر 185تا 190روپے فی کلو تک جا پہنچی۔

(جاری ہے)

پشاور میں فی کلو چینی 190سے بڑھ کر 195روپے میں فروخت ہو رہی ہے، لاہور میں سب سے زیادہ اضافہ دیکھا گیا جہاں چینی کی قیمت 179سے بڑھ کر 200روپے فی کلو تک جا پہنچی۔

کراچی میں قیمت 190سے بڑھ کر 195تا 200روپے فی کلو ہوگئی، کوئٹہ میں بھی چینی 190سے بڑھ کر 195تا 200 روپے فی کلو میں فروخت ہو رہی ہے۔فیصل آباد میں قیمت میں سب سے بڑا فرق ریکارڈ ہوا، 185سے بڑھ کر 230روپے فی کلو تک جا پہنچی۔ملتان میں چینی 185 سے بڑھ کر 200روپے فی کلو ہوگئی۔