رینجرز نے 3 ملزمان کو گرفتار کرلیا، اسلحہ و منشیات برآمد

پیر 16 اپریل 2018 22:17

کراچی ۔ (اُردو پوائنٹ اخبارتازہ ترین - اے پی پی۔ 16 اپریل2018ء) پاکستان رینجرز سندھ نے شہر کے مختلف علاقوں میں کارروائی کرتے ہوئے 3 ملزمان کو گرفتار کیا۔

(جاری ہے)

پیر کو جاری کردہ اعلامیہ کے مطابق فریئر کے علاقے میں رینجرز نے کارروائی کرتے ہوئے ملزم گل رحمان عرف سادہ گل کو گرفتار کیا جو اسٹریٹ کرائم کی متعدد وارداتوں میں ملوث ہے۔ فریئر کے علاقوں میں رینجرز نے کارروائی کرتے ہوئے 2 ملزمان عمران غنی عرف نانا اور شوکت علی عرف مشکی کو گرفتار کیا جو منشیات فروشی کے کاروبار میں ملوث ہیں۔ ملزمان کے قبضے سے غیر قانونی اسلحہ، ایمونیشن اور منشیات بھی برآمد کر لی گئی ہے۔ ملزمان کو قانونی چارہ جوئی کے لئے پولیس کے حوالے کر دیا گیا ہے۔