ننھی آصفہ کو انصاف دلانے کیلئے بھارت میں ملک گیر احتجاج

یو پی ، لدھیانہ، پنجاب کے کئی شہروں میں مظاہرین نے ریلیاں نکالیں، قاتلوں کو پھانسی پر لٹکانے کا مطالبہ

بدھ 18 اپریل 2018 15:18

لدھیانہ (اُردو پوائنٹ اخبارتازہ ترین - این این آئی۔ 18 اپریل2018ء) مقبوضہ کشمیرکی ننھی آصفہ کو انصاف دلانے کے لیے بھارت میں ملک گیر احتجاج شروع ہوگیا، بھارت کے کئی شہروں میں ہزاروں شہری سڑکوں پر آگئے، مظاہرین نے آصفہ بانو کے قاتلوں کو پھانسی پر چڑھانے کا مطالبہ کر دیا۔

(جاری ہے)

بھارتی ٹی وی کے مطابق مقبوضہ جموں میں درندگی کا نشانہ بنے والی آصفہ کو انصاف دلانے کے لیے بھارت کے کئی شہروں میں احتجاج کا سلسلہ جاری ہے۔اتر پردیش، لدھیانہ اور پنجاب سمیت کئی علاقوں میں ریلیاں نکالی گئیں، مظاہرین نے قاتلوں کو پھانسی پر لٹکانے کا مطالبہ کر دیا۔