امریکی صدرٹرمپ اسرائیلی وزیراعظم نیتن یاہو سے ناراض

ناراضگی یاہو کی غزہ میں فوجی کارروائی کو مذاکرات پرترجیح دینے پرہوئی، ذرائع

جمعہ 19 ستمبر 2025 12:11

امریکی صدرٹرمپ اسرائیلی وزیراعظم نیتن یاہو سے ناراض

واشنگٹن(اُردو پوائنٹ اخبارتازہ ترین - این این آئی۔ 19 ستمبر2025ء) امریکی صدر ڈونلڈ ٹرمپ نے اسرائیلی وزیر اعظم بنیامین نیتن یاہو کے طرز عمل پر ناراضی کا اظہار کیا ہے جو جنگ بندی کے لیے مذاکرات پر حماس کے خلاف فوجی کارروائی کو ترجیح دے رہے ہیں۔ذرائع کے مطابق ٹرمپ کی ناراضی قطر پر اسرائیلی حملے کے بعد بڑھ گئی اور اپنے مشیروں سے بات کرتے ہوئے امریکی صدر نے یہ رائے ظاہر کی کہ نیتن یاہو ان کا مذاق اڑا رہے ہیں۔

(جاری ہے)

ٹرمپ کی ناراضی کے باوجود وہ اسرائیل کے خلاف سخت اقدامات کرنے سے گریز کر رہے ہیں جس کی وجہ ٹرمپ اور نیتن یاہو کے درمیان ذاتی تعلقات ہیں۔ دریں اثنا متعدد امریکی حکام نے بتایا کہ ٹرمپ اسرائیلی وزیر اعظم کے ساتھ اپنے قریبی تعلقات کو اہمیت دیتے ہیں اور انہیں نقصان پہنچانا نہیں چاہتے۔ وہ اسرائیل اور سعودی عرب کے درمیان سفارتی تعلقات قائم کرنے کے لیے اب بھی پرعزم ہیں جسے وہ ایک اہم سفارتی مقصد سمجھتے ہیں۔