غیر ملکیوں پر عائد ویلیو ایڈڈ ٹیکس نے سعودی حکومت کو مالا مال کر دیا

بدھ 18 اپریل 2018 18:44

ریاض(اُردو پوائنٹ اخبارتازہ ترین - آئی این پی۔ 18 اپریل2018ء) سعودی محکمہ زکوٰة و آمدنی کو ویلیو ایڈڈ ٹیکس سے 26ارب ریال کی آمدنی متوقع ہے،بینکوں اور انشورنس کمپنیوں کو ویلیو ایڈڈ ٹیکس سے استثنیٰ دیدیا گیا ۔ غیر ملکی میڈیا کے مطابق سعودی محکمہ زکوٰة و آمدنی کو ویلیو ایڈڈ ٹیکس سے 26ارب ریال کی آمدنی متوقع ہے۔ یہ آمدنی سعودی حصص مارکیٹ "تداول"میں رجسٹرڈ 127کمپنیوں کی خدمات اور مصنوعات پر ویلیو ایڈڈ ٹیکس سے حاصل ہو گی۔

بینکوں اور انشورنس کمپنیوں کو ویلیو ایڈڈ ٹیکس سے استثنیٰ دیدیا گیا ہے۔

(جاری ہے)

مذکورہ کمپنیوں کی مجموعی آمدنی 526ارب ریال تک ہو گی۔ تفصیلات کے مطابق 29فیصد آمدنی سابک کمپنی سے ہو گی۔ اس سے 7.5ارب ریال ویلیو ایڈڈ ٹیکس وصول ہو گا۔ سعودی مواصلاتی کمپنی ویلیو ایڈڈ ٹیکس دینے والی دوسری بڑی کمپنی ہو گی جس کی آمدنی 2017ئ میں 50ارب ریال سے زیادہ ہوئی۔ 2018ئ میں اس سے ویلیوایڈڈ ٹیکس 2.537ارب ریال تک وصول کیا جا سکے گا۔ تیسرے نمبر پر سعودی بجلی کمپنی ہے۔ اس سے وصول کیا جانے والا ویلیو ایڈڈ ٹیکس ایس ٹی سی سے صرف 7ملین ریال کم ہو گا۔ یہ کمپنی 2.53ارب ریال ویلیوایڈڈ ٹیکس ادا کریگی۔ یہ اعداد و شمار 2017 ئ کے جاری کردہ نتائج کی بنیاد پر ترتیب دیئے گئے ہیں۔