Live Updates

اسلام آباد کرکٹ کلب نے پی اے ایف بلائنڈ ٹی20 کرکٹ چیمپیئنز ٹرافی جیت لی

بدھ 18 اپریل 2018 19:27

اسلام آباد ۔18 اپریل(اُردو پوائنٹ اخبارتازہ ترین - اے پی پی۔ 18 اپریل2018ء) اسلام آباد کرکٹ کلب نے اٹک کرکٹ کلب کو ہرا کر پی اے ایف بلائینڈ ٹی 20 کرکٹ چیمپیئنز ٹرافی جیت لی۔ پی اے ایف کمپلیکس کرکٹ گراؤنڈ اسلام آباد میں کھیلے گئے فا ئنل کے مہمان خصوصی ڈائریکٹر جنرل سکیو رٹی پاکستان ایئر فورس ایئر وائس مارشل سلمان احسن بخاری تھے۔ اسلام آبادکرکٹ کلب نے ٹاس جیت کر پہلے فیلڈنگ کرنے کا فیصلہ کیا۔

اٹک کرکٹ کلب نے پہلے کھیلتے ہوئے مقررہ 20اورز میں چاروکٹوں کے نقصان پر174رنز بنائے۔

(جاری ہے)

احتشام الحق نے 66 رنز کی شانداراننگز کھیلی۔ جواب میں اسلام آباد نے 18.1 اوورز میں مطلوبہ ہدف دو وکٹوں کے نقصان پر با آسانی پورا کر لیا۔اکمل حیات 65 رنز کے ساتھ سر فہرست رہے۔ پاکستان کے چھ مختلف شہروں کی ٹیموں نے اس ٹو رنا منٹ میں حصہ لیا جن میں سرگو دھا ، شیخو پورہ، کوئٹہ ، حیدرآباد، اٹک اور اسلام آباد شامل تھیں۔ مہمانِ خصوصی نے ٹو رنا منٹ کی فاتح ٹیم اور شاندار کارکردگی کا مظاہرہ کرنے والے کھلاڑیوں میں انعامات تقسیم کیے۔ یہ ٹورنا منٹ پاک فضائیہ ہر سال باقاعدگی سے منعقد کرتی ہے تاکہ بینائی سے محروم نوجوان کھلاڑیوں کو کھیل کے بہترین مواقع فراہم کئے جا سکیں۔